MARKA 13:1 - Lai (Hakha) Common Language Bible 2006

¹ Jesuh cu Biakinn in a kalpah ah khin a zultu pakhat nih a thawh i, “Saya, zohhmanh, hi lung ṭhaṭha hna le inn ṭhaṭha hna hi!” tiah a ti.

Laibaibal Thiang (BSI)

¹ Cuticun ṭempal a chuahtâk lioah, a zultu lakah mi pakhat nih, “Cawnpiaktu, zohhmanh lung an rualmi le an inn sakning a ropit ning hi,” tiah a ti.

MARKA 13:1 Iomraidhean Croise

JEREMIAH 51:61

Seraiah cu a thawh i, “Babilon nan phak tikah hika i aa ṭialmi bia vialte hi mi zapi theihhngan ah na va rel hrimhrim lai.

EZEKIEL 10:19

Cherubim hna nih cun an thla kha an samh hna i vawlei khan an tho; an sir i lengkekual hna he an kal kha ka zoh ko hna. Bawipa inn nichuahlei kutka ah khan an dir i Israel Pathian sunparnak cu an cungah khan a um.

EZEKIEL 10:4

Bawipa sunparnak cu cherubim hna cung cun a tho i sangpi ah a kai i tual leiah cun a kal; cun biakinn chungah cun minmei cu aa zel i Bawipa sunparnak ceu nih cun a tual cu a ceuh.

EZEKIEL 8:6

A ka thawh i, “Mipa, zeidah an tuah kha na hmu maw? Hika ah Israel mi nih an tuahmi fihnung ṭeifiak nih keimah cu ka hmunthiang khan lamhlatpi ah a ka dawi i cu bantuk fihnung cu na hmuh chin lengmang ko rih hna lai,” tiah a ti.