MARKA 12:14 - Lai (Hakha) Common Language Bible 2006

¹⁴ A sinah cun an ra i, “Saya, nang cu lihchim hmang lomi na si i mi hme mi ngan ahohmanh an mithmai na zoh hna lo. Sihmanhsehlaw Pathian duhnak tu kha a ning tein na cawnpiak hna, ti kha kan hngalh. Cucaah cun Rom Siangpahrang sin i ngunkhuai pek hi kan phung he aa ralchanh maw ralchanh lo kan chim tuah, ngunkhuai cu kan pe lai maw pe lo dah?” an ti.

Laibaibal Thiang (BSI)

¹⁴ A sin an phâk tikah, “Cawnpiaktu, miding na si, uar khunmi zong na ngei lo, thleidan zong na ngei lo. Biatak in Pathian bia na cawnpiak tawn. Sizar sin i ngunkhuai pek hi phungning a si maw si lo dah?

MARKA 12:14 Iomraidhean Croise

2 CHANRELNAK 18:13

Sihmanhsehlaw Mikaiah nih, “Bawipa a nun bangin, Bawipa nih ka sin i a chimmi cu, mah cucu ka chim ko lai,” tiah a ti.

2 CHANRELNAK 19:7

Cucaah Bawipa ṭihnak cu nan cungah um seh; nan tuahmi kha i ralring u, zeitintiah Bawipa kan Pathian sinah cun biading merh siseh, duhdanh ngeih siseh, ziknawh siseh, a um lo,” tiah a ti.

NEHEMIAH 9:37

A theitlai hna cu, kan sual ruang i kan cung i na chiahmi siangpahrang hna sinah khan a kal dih; an duh duh in kan takpum cung le kan saṭil cung zongah khan nawl an ngei i kannih cu kan re a thei ngaingai ko,’ ” tiah a ti.

SALM 120:2

Maw Bawipa, lihchim hmangmi hna le hlen hmangmi hna sin hin ka khamh ko.

SALM 55:21

A chimmi bia cu thawhpat nakin a nal deuh sihmanhsehlaw a lung chungah cun huatnak a um; a bia cu chiti bantukin a nem, sihmanhsehlaw nam bantukin mi a chun.

JEREMIAH 42:20

atu ah ralrinnak kan pek hna. Bawipa kan Pathian sinah cun nan ka kalter i, ‘Bawipa kan Pathian sinah thla kan campiak tuah! Nan tuah awk a si, tiah a kan timi paoh kha kan chim law, kan tuah lai’, nan ti.

MIKAH 3:8

Sihmanhsehlaw kei tu cu Bawipa thlarau nih ṭhawnnak le bia khiah thiamnak le ral ṭhatnak in a ka khahter i Israel mi hna cu an sualnak kha zeidah a si tiah ka chimh hna.

MATTHAI 22:16

anmah zultu tlawmpal hna le Herod paṭi mi tlawmpal hna kha a sinah cun an hei thlah hna. An vaa thawh i, “Saya, nang cu lih chim hmang lomi na si ti kha kan hngalh. Pathian nih, cuticun um hna seh, a tining kha biatak tein na cawnpiak tawn hna i ahohmanh an mithmai kha na zoh hlei hna lo.

MATTHAI 22:17

Cucaah hihi kan chim tuah: Rom Siangpahrang ngunkhuai pek hi kan Phung he aa kalh maw kalh lo?” an ti.

MARKA 12:13

Farasi mi tlawmpal le Herod mi tlawmpal kha, Jesuh cu a bia in tlaih i zuam awkah an hei thlah hna.

MARKA 12:15

Hlen an timh kha a hngalh i, “Zeicahdah foih nan ka timh len ko? Ngun tangka phar khat in rak pu u law ka zoh tuah lai,” tiah a leh hna.

MARKA 14:45

Judas nih cun a ra phak cangka in Jesuh cu a hei fuh colh i, “Saya,” a ti i a hnamh.

LUKA 20:22

Cucaah cun kan chim tuah, Rom Siangpahrang sin i ngunkhuai pek hi kan Phung he aa ralchanhmi a si maw si lo?” tiah an ti.

LUKA 23:2

Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.

JOHAN 7:18

Mah duhning in mi a cawnpiak lengmangmi cu mah thangṭhatnak a kawlmi an si. Sihmanhsehlaw a thlahtu thangṭhatnak tu a duhmi cu lih chim lo tein a um i a chungah hrokhrawlnak zeihmanh a um lo.

ROM 13:6

Ngunkhuai nan thawhnak cu hi ruang zongah hin a si: nawl ngeitu hna nih khan an rian an ṭuan tikah Pathian ca rian an ṭuan a si.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

2 KORIN 2:2

Zeicahtiah an lung ka fahtermi cu nanmah nan si ahcun, aho nih dah an ka lawmhter kun lai? Nan ngaih kan chiattermi hna nanmah lawng hi pei a ka lawmhter khotu cu nan si ko cu.

2 KORIN 4:1

Pathian nih a kan zaangfah caah cu rian cu a kan ṭuanter i kan hnabei a dong bal lo.

2 KORIN 5:11

Bawipa ṭih cu zeidah a sullam a si ti kha kan hngalh i cucaah mi kha lem kan i zuam lengmang hna. Pathian nih tling cikcek tein a kan hngalh; cu bantukin nannih zong nih nan lung chungte cun nan ka hngalh ve tiah ka ruah.

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

GALATI 1:10

Hiti ka chim tikah hin minung lungtlinnak kawl ning law cu ko cu ka lo maw? Cucu ka kawlmi a si lo. Pathian lungtlinnak tu kha ka duhmi cu a si. Zapi sinin thangṭhatnak kha hmuh kaa zuammi cu a si maw? Cucu a si ahcun, Khrih sal cu ka si hnga lo.

GALATI 2:6

Hruaitu pawl nih khan zeihmanh ruahnak thar an kan pek khawhmi a um lo — hruaitu pawl ka ti hna hi hruaitu an sinak nih hin zeihmanh ka caah dannak a umter hlei lo caah a si; Pathian nih cun lenglei thil zoh in bia a thlek lo.

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

1THESALON 2:4

Pathian nih cuticun chim hna seh ti a kan duhning tu khan kan chim zungzal i cuti kan chim cu Pathian nih khan kanmah hman kha a hna a tla i Thawngṭha cu kan kut ah a kan pek caah a si. Minung lungton kha i zuam loin kan i tinhmi a hngaltu Pathian lungton tu kha kan i zuam.