MARKA 12:1 - Lai (Hakha) Common Language Bible 2006

¹ Cun Jesuh nih tahchunhnak bia in a chimh hna. Aa thawh i, “Mipa pakhat a rak um i cu pa nih cun mitsur dum pakhat a rak ser; a kulh i mitsur nennak caah khor a cawh i ralvennak inn pakhat a sak. Cun a dum cu mi kha a hlanh hna i khualtlawn ah a kal.

Laibaibal Thiang (BSI)

¹ Cuticun tahchunhnâkin an sinah chim hram a thawk. Mipa nih mitsur a cin i a kulh, a nennâk khor a cawh i parthlâm a sak. Dûm congtu hna kutah i hlawhfa dingin a chiah i ram hlapi ah a tlawng.

MARKA 12:1 Iomraidhean Croise

ISAIAH 7:23

“Cu caan a phak tikah, mitsur ruang ruang khat ah a man tangka thong khat a simi ruang, ruang thong khat an umnak lo ṭhaṭha hna kha an bua dih lai i hlingbur le hling le so lawnglawng an khat dih lai.

JEREMIAH 2:21

Nangmah cu mitsur ruang ṭha bikcem in kan phun, Ci ṭha in lakmi na si. A si kun ahcun, zeitindah na rawh i ramlak mitsur ruang ah na can kun?

EZEKIEL 20:49

Cun kei nih, “Aa, a si kho lo! Maw Bawipa Pathian, an ka thawh i, ‘Anih tham cu bianabia lawng pei a chim lengmang ko cu,’ an ka ti,” tiah ka au.

MATTHAI 13:3

Thil tampi a cawnpiak hna i cu cawnpiaknak caah cun tahchunhnak bia a hman hna.

MATTHAI 21:28

“Zeitindah nan ruah? Mipa pakhat a rak um i fapa pahnih a ngeih hna. A upa u sinah khan a va kal i, ‘Ka fapa, nihin cu va kal law mitsur dum ah rian va ṭuan,’ tiah a ti.

MATTHAI 21:33

Jesuh nih cun a thawh ṭhan hna i, “Tahchunhnak bia pakhat in ngai rih tuah u: Lo ngeitupa pakhat a rak um i mitsur dum pakhat a rak ser; hau in a kulh, mitsur nennak caah khor a cawh i parthlam pakhat a sak. Cun a lo cu a ṭuantu hna sinah khan a hlanh i amah cu khualtlawn ah aa thawh.

MATTHAI 21:34

Mitsur thei lawh caan kha a phak tikah a hlanhmi hna sinah cun a sal kha a hei thlah hna i a hmuh awk hnga a simi kha an va hal hna.

MATTHAI 25:14

“Vancung Pennak cu khualtlawn i aa thawhmipa bantuk a si. A salle kha a kawh hna i a thilri kha nan rak zohkhenh lai, tiah a ti hna.

MARKA 11:33

Cucaah Jesuh cu, “Kan hngal lo,” tiah an leh. Cun Jesuh nih annih cu, “Aho nawl in dah hi thil hi ka tuah hna, ti cu kei zong nih kan chim ve kun hna lai lo,” tiah a ti hna.

MARKA 13:34

Zei he dah aa lawh lai ti ahcun, khualtlawn ah a kal i a sinum hna kha, nan rian cio kha ṭha tein rak ṭuan u, tiah a ti i innka cawngtupa kha, ṭha tein rak cawng, tiah bia a riah tatu inn bawi he aa lo lai.

MARKA 3:23

Cucaah Jesuh nih mi kha, ka sinah ra u, tiah a ti hna i tahchunhnak bia a chimh hna. A thawh hna i, “Zeitindah Satan nih Satan cu a ṭhawl khawh lai?

MARKA 4:2

Cun thil tampi kha bianabia in a cawnpiak hna. A thawh hna i,

LUKA 15:13

Ni tlawmpal hnuah khin ngakchia deuh pa nih cun a thilri cu a zuarh i a man tangka cu aa lak i an inn cun a kal. A hla ngaingaimi ram ah a kal i khika ah khan duhduh in khua a va sa i a tangka cu a va sawksam dih.

LUKA 19:12

Cucaah a thawh hna i, “Bawi pakhat cu ram hlapi pakhat ah a kal i cuka ram i siangpahrang a si hnuah inn ah ra tlun ṭhan aa tim.

LUKA 22:9

“Khuazei ah dah va tim u tiah na kan duh?” tiah annih nih an ti.

LUKA 8:10

Jesuh nih a thawh hna i, “Pathian Pennak kong biathli hngalhnak cu nannih cu pek nan si cang; sihmanhsehlaw midang cu tahchunhnak bia lawngin chimh an si lai, cucaah cun an zoh len lai nain an hmu lai lo, an ngai len lai nain an hngal lai lo,” tiah a ti.

LAMKALTU 7:38

Amah cu thetse ram i a rak i pummi Israel mi hna sin i a ummi kha a si, amah cu a kan hringsortu hna sin i khua a rak sami le Sinai Tlang ah a sin i bia a rak chimtu vancungmi sin i a ummi kha a si; amah cu Pathian bia zungzal in a nungmi kan sin i phakter awkah a rak latu kha a si.