MARKA 11:3 - Lai (Hakha) Common Language Bible 2006

³ Cun mi nih, ‘Zeicahdah mah khakha nan tuah?’ tiah an in hal hna ahcun. ‘Kan Bawipa nih a herh i kan rak in pek ṭhan zau hna lai,’ tiah nan ti lai,” a ti hna.

Laibaibal Thiang (BSI)

³ Mi nih, “Zeiruangahdah kha kha nan phoih? an ti ahcun, ‘Bawipa nih a herh’ ti ulaw an ratter ko hna lai,” tiah a ti.

MARKA 11:3 Iomraidhean Croise

SALM 110:3

Na ral kha na tuk hna ni ah, na mi nih anmah lungtho tein an in chuahhnawh lai. Na tlangval hna cu zinglei dap bantukin, na sinah tlang thiang ah khan an ra chuak lai.

SALM 24:1

Vawlei le a chung i a ummi thil vialte hi Bawipa ta an si, vawlei le a cung i a ummi minung vialte zong hi amah ta kan si dih.

MARKA 11:2

“Nan hmai khua ah khin va kal u law nan va luh kate ah, ahohmanh nih an i cit bal lomi laa fate, hri in aa hreng komi kha nan hmuh lai. Va phoih u law hika ah hin ratpi u.

MARKA 11:4

Cucaah an rak kal i khua chung zalam ah cun inn pakhat innka pawngah laa fate pakhat a rak i hren ko cu an va hmuh. An phoih lioah khan

MARKA 14:15

Cun cungdot ah thil tlingte le ṭha tein an timh cia dildelnak khaan kaupi pakhat an hmuhsak hna lai i cuka ah cun zanriah cu nan va timh lai,” tiah a ti hna.

LAMKALTU 1:24

Cun thla an cam i, “Bawipa, nangmah nih minung lungthin vialte cu na hngalh dih.

LAMKALTU 10:36

Mi vialte Bawipa a simi Jesuh Khrih thawngin Pathian nih remnak Thawngṭha Israel mi a pek hna cu nan hngalh.

LAMKALTU 17:25

Cuhleiah Pathian cu minung kha nunnak le thaw le zeizong vialte a petu a si caah minung nih an tuahpiak khawhmi kha a herhmi pakhat hmanh a um lo.

2 KORIN 8:9

Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.