MARKA 11:13 - Lai (Hakha) Common Language Bible 2006

¹³ Lamhlat nawn khin a hnah a ṭha ngaimi theipi kung pakhat a hei hmuh i a tlai a um hnga maw tiah a hei fuh; sihmanhsehlaw a hei phak tikah, cu caan cu theipi tlai tik a si lo caah, a hnahpi lawng a rak si kha a va hmuh.

Laibaibal Thiang (BSI)

¹³ Hlât nawn khin Theipi kung a hnah he a hmuh. Thil zeimaw hmuh i ruahchan in a panh, ahmun a phâk tikah, a hnah dah ti lo cu zeihmanh a hmu lo, zeitintiah theipi tlai cân a rak si lo.

MARKA 11:13 Iomraidhean Croise

ISAIAH 5:2

Vawlei kha a cawh i lung kha a hlonh hna; mitsur kung ṭha bik phun kha a cin hna. Mitsur ruang cawnghnak caah cun parthlam pakhat a sak i mitsur thei nennak caah cun khor pakhat a cawh. Mitsur thei an hmin lai cu a hngah, sihmanhsehlaw an thor dih ai.

ISAIAH 5:7

Israel cu Lianngan Bik Bawipa dum cu a si; Judah ram mi hna cu mitsur ruang a cinmi cu an si. Thil ṭha kha nan tuah lai tiah a ti hna, sihmanhsehlaw lai nawnnak lehlam kha an tuah. A dingmi thil kha nan tuah lai tiah a ti hna, Sihmanhsehlaw an hremmi hna ṭah thawng tu kha a theihmi cu a si.

MATTHAI 21:19

Lam pawngah khan theipi kung a hei hmuh i a hei fuh, asinain a hnah lawng a rak si ai. Cucaah thingkung cu aa thawh i, “Zeitikhmanh ah thei tlai ti hlah,” tiah a ti. Hmakhatte ah theipi kung cu a car ko.

MARKA 11:12

A thaizing, Bethani khua in an ra kirpah ah khan, Jesuh cu a rawl a ṭam.

MARKA 11:14

Jesuh nih cun theipi kung cu, “Na thei ahohmanh nih in ei ti hna hlah seh,” tiah a ti. Cucu a zultu hna nih khan an theih.

LUKA 10:31

Cu lioah cun tlangbawi pakhat hi cuka lei lam ah cun a vung kal ngelcel; mipa cu a hei hmuh tikah lam khattelei kam cun a hrial.

RUTH 2:3

Cucaah aa thawh i a kal i rawlṭuantu hna hnuah khan famua cu a va sua; cun Elimelek chung a simi Boaz ta a simi lo ah cun a va phan sual ai.

1 SAMUEL 6:9

Cun zoh tuah u, amah ram lei i a hung kalmi Beth-shemesh lei i a kalmi lam kha a hun zulh ahcun, kannih cungah hi harnak nganpi a tuahtu hi amah a si; sihmanhsehlaw cu ti a si lo ahcun, a kan tutu cu amah kut a si lo, kan cungah a tlung sual i a si ko, ti kha kan hngalh lai,” an ti.