MARKA 11:1 - Lai (Hakha) Common Language Bible 2006

¹ Jerusalem khua kha an hei naih cang i Oliv Tlang i a ummi Bethfeih le Bethani khua kha an phak tikah, Jesuh nih a zultu pahnih kha a thlah hna i

Laibaibal Thiang (BSI)

¹ Cubangin Jerusalem khua an phâk lai ah Olive tlang i Bethphage le Bethani an phâk tikah, lamkaltu pahnih a thlah hna i

MARKA 11:1 Iomraidhean Croise

2 SAMUEL 15:30

Sihmanhsehlaw David cu Oliv Tlang cho ah khan ṭappah lengmang le kelawng le a lu i khuh in a kai; cun a sin i a ummi vialte nih khan an lu an i khuh i an kai, an kalpah cun an ṭap lengmang.

ZEKHARIAH 14:4

Khi ni ah cun a ke cu Oliv Tlang cungah an dir lai, cu tlang cu Jerusalem in nichuahlei ah ral-enh in a ummi a si, cun cu tlang cu nichuahlei in nitlaklei ah a kalmi horkuang thukpi nih cheu hnih ah a cheu lai; tlang cheu pakhat cu chaklei ah aa thawn lai i a dang a cheu pakhat cu thlanglei ah aa thawn lai.

MATTHAI 21:17

Jesuh nih cun a chuahtak hna i khua chung khan Bethani khua ah a kal i cuka ah cun a va riak.

MATTHAI 24:3

Cun Jesuh cu Oliv Tlang i a ṭhut lioah khan a zultu hna kha anmah lawngte in an ra i, “Hihi zeitik ah dah a si lai? Cun na ratnak ding hmelchunhnak le atu chan donghnak ding hmelchunhnak ah zei thil dah a um hna lai?” tiah an hal.

MATTHAI 26:30

Cun hla an sa i Oliv tlang ah khan an kal.

MARKA 11:2

“Nan hmai khua ah khin va kal u law nan va luh kate ah, ahohmanh nih an i cit bal lomi laa fate, hri in aa hreng komi kha nan hmuh lai. Va phoih u law hika ah hin ratpi u.

MARKA 13:3

Biakinn hmai zawn i a ummi Oliv Tlang khan Jesuh cu a ṭhu i Biakinn kha a cuan i cu lioah cun Peter le Jeim le Johan le Andru kha a sinah a thli in an ra.

MARKA 14:13

Khi tikah an lak i pahnih kha a thlah hna i, “Khuapi chungah va lut u law ti-um aa putmipa pakhat nih a rak in ton hna lai.

MARKA 6:7

A zultu pahleihnih kha hmunkhat ah a kawh hna i pahnih pahnih in a thlah hna. Khuachia tei khawhnak nawl kha a pek hna i,

JOHAN 8:1

(Cun mi vialte kha an inn ah an ṭin cio i Jesuh cu Oliv Tlang ah khan a hung kal.

LAMKALTU 1:12

Cun lamkaltu hna cu Oliv Tlang khan Jerusalem khua ah khan an kir; cucu Jerusalem khua in meng cheu tluk a si.