MARKA 10:4 - Lai (Hakha) Common Language Bible 2006

⁴ Annih nih, “Moses nih a kan pekmi ah cun, mipa nih a nupi kha maknak ca a pek ahcun a mak khawh ko, ti a si,” tiah an leh.

Laibaibal Thiang (BSI)

⁴ Annih nih, “Moses nih mâknâk ca ṭial ahcun mâk a sian ko” tiah an ti.

MARKA 10:4 Iomraidhean Croise

ISAIAH 50:1

Bawipa nih aa thawh i, “Mipa nih a nupi a mak bantukin ka mi hna cu ka dawi hna tiin dahra nan ruah? Khuazei ah dah maknak ca cu a si kun? Mipa nih a fale cu sal ah a zuar hna bantukin sal ah a kan zuar tiin dahra nan ka ruah? Asilo, sal i nan taan cu, nanmah nan sual ruangah a si; lamhlatpi i kalpi nan si cu nanmah nan ṭhat lo ruangah a si.

JEREMIAH 3:1

Mipa pakhat nih a nupi kha a mak i a nupi nih cun a kaltak i midang nupi a si tikah, Cu pa nih cun cu nu cu a fuh ṭhan lai maw? Cu nu cu thurhhnawmh a si cang lo maw? A la ṭhan kho ti lo. Sihmanhsehlaw nannih cu duhtu tampi he hlawhhlang nan i celh i Atu cu ka sinah ra kir nan duh! tiah Bawipa nih a ti.

MATTHAI 1:19

A hamtu Josef cu thil a hmaanning in tuah a duh zungzalmi a si; sihmanhsehlaw Mary cu zapi hmaiah ningzahter a duh lo caah an i hamnak kha a thli tein ka let lai, tiah khua a ruat lengmang.

MATTHAI 19:7

Cun Farasi mi hna nih cun, “A si kun ahcun, zeicahdah Moses nih, ‘Pa nih a nupi kha maknak ca pe seh law kalter seh,’ tiah nawl a kan pek kun?” tiah an hal.

MARKA 10:3

Jesuh nih biahalnak in a leh hna i, “Moses nih zei phung dah an pek hna?” tiah a ti.