MARKA 10:1 - Lai (Hakha) Common Language Bible 2006

¹ Jesuh cu cuka hmun cun a chuak i Judea ram ah khan a kal i Jordan tiva kha a tan. Cun mi tampi nih khan a zual in an zual hoi i a cawnpiak tawn zungzal hna bang khan a cawnpiak hna.

Laibaibal Thiang (BSI)

¹ Cuka cun a tho i Jordan varal i Judia ram kha a phân. Mizapi kha a sinah an ra ṭhân i a tuah tawn bangin a cawnpiak ṭhân hna.

MARKA 10:1 Iomraidhean Croise

PHUNGCHIMTU 12:9

Phungchimtu cu a fim caah a hngalhmi kha mi cu a cawnpiak lengmang ko hna. Phungthluk bia kha a cawn hna i biatak an si maw si lo ti kha fel tein a hneksak hna.

JEREMIAH 32:33

An hnulei an ka chit i an hmai kha an ka mertak; anmah cawnpiak awkah kaa zuam lengmang nain ngaih an duh lo i zulh zong an duh lo.

MATTHAI 26:55

Cun Jesuh nih mibupi cu a thawh hna i, “Kei cu damiah hei si ning law cu bang, zeicahdah tlaih awkah nam le thingtan he nan ka fuh? Nifate in pei Biakinn ah ka ṭhu i kan cawnpiak lengmang ko hna cu, nan ka tlaih ṭung lo.

MATTHAI 4:23

Jesuh cu Galilee ram dihlak ah khan aa chawk i pumhnak inn ah khan a cawnpiak hna i pennak Thawngṭha kha a chimh hna i zawtnak le fahnak a ingmi a phunphun kha a damter hna.

MARKA 1:21

Kapernaum khua kha a va phan i Sabbath ni ah cun Jesuh cu pumhnak inn ah khan a kal i a cawnpiak hna.

MARKA 10:2

Farasi mi kha an ra i foih an ra timh. “Kan phung nih nupi mak hi a kan onh maw onh lo, kan chim tuah,” tiah an ti.

MARKA 12:35

Jesuh nih Biakinn chung i a cawnpiak lio hna ah khan hi biahalnak hi a hal hna: A thawh hna i, “Zeitindah Messiah cu David hrinsormi a si te lai, tiah Phungbia cawnpiaktu saya nih an ti khawh?

MARKA 14:49

Nifate nan sinah ka um i Biakinn ah kan cawnpiak lengmang ko ṭung hna, nan ka tlaih ṭung lo. Sihmanhsehlaw Cathiang chung bia a tlin cu a herh ko,” tiah a ti.

MARKA 2:13

Jesuh cu Galilee Rili kamah khan a va kal ṭhan. Mi nih khan an rak fuh i a rak cawnpiak hna.

MARKA 4:2

Cun thil tampi kha bianabia in a cawnpiak hna. A thawh hna i,

MARKA 6:2

Sabbath ni ah khan pumhnak inn ah cun a cawnpiak hna. Aa pummi cu an tam ngaingai i a chimmi an theih tikah khan an khuaruah a har dih. “Hi vialte hi khuazei ah dah a va hmuh hnga? Hi bantuk fimnak hi zeitindah a va hmuh hnga? Zeitindah hi khuaruahharnak hna hi a tuah khawh hna hnga!

MARKA 6:34

Jesuh cu lawng chung khan a hung chuak i mi cu vialte a hmuh hna tikah khan a zaang an fak ngaingai, zeicahtiah khaltu a ngei lomi tuu bantuk an si. Cucaah thil tampi a cawnpiak hna.

MARKA 6:6

Zumhnak an ngeih lo caah a khuaruah a har ngaingai. Cun Jesuh cu, cuka hrawng khua kha a tlawng hna i mi kha a cawnpiak hna.

JOHAN 10:40

Jesuh cu Jordan Tiva khattelei ral, Johan nih tipil a peknak hna hmun ah khan a va kal i cuka ah cun a va um. A sinah khan mi tampi an ra i,

JOHAN 11:7

Cun a zultu kha a thawh hna i, “Judea peng ah kal ṭhan u sih,” tiah a ti hna.

JOHAN 18:20

Jesuh nih cun, “Langhngan in mizapi kha ka chimh zungzal ko hna; ka cawnpiak hnanak cu a dihlak in Judah mi an i pumhnak inn le biakinn ah a si ko. A thli in zeihmanh ka chim bal lo.