MARKA 1:20 - Lai (Hakha) Common Language Bible 2006

²⁰ A hei hmuh cangka hna khan Jesuh nih cun a auh hna i an pa Zebedi cu nihlawh phalhmi ngatlaitu hna he khan lawngah khan an kaltak i Jesuh cu an zulh.

Laibaibal Thiang (BSI)

²⁰ Hmakhatteah a kawh hna i anpa Zebedi le hlawhfa an rawihmi hna he tilawng ah kaltak in an zulh.

MARKA 1:20 Iomraidhean Croise

1 SIANGPAHRANG 19:20

Cun a cawtum kha a kaltak hna i Elijah cu a dawi i, “Ka nu le ka pa va hnam ta hna ning law, cun kan zulh lai,” tiah a ti. Cun anih nih a thawh i, “Va kir ṭhan ko ngat, kan thlauh lo zeicahtiah na cungah zeidah ka tuah kha na hngalh,” tiah a ti.

MATTHAI 10:37

“Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo.

MARKA 1:19

A va kal deuh i a dang unau pahnih zong kha a hmuh hna, annih cu Zebedi fapa Jeim le Johan kha an si. Annih cu an sur kha an rak tholh len ko.

MARKA 1:21

Kapernaum khua kha a va phan i Sabbath ni ah cun Jesuh cu pumhnak inn ah khan a kal i a cawnpiak hna.

MARKA 10:29

Cun Jesuh nih a thawh hna i, “A inn siseh, a lo siseh, a unau si hna seh, a farle si hna seh, a nu siseh, a pa siseh, a fale si hna seh, keimah le ṭhawngṭha ruangah a kaltakmi nih cun,

LUKA 14:26

“Ahohmanh ka sinah a rami cu a pa siseh, a nu siseh, a nupi siseh, a fale si hna seh, a unau si hna seh, a farle si hna seh, amah le amah siseh, aa huat lo ahcun a ka zultu a si kho lo.

LUKA 5:11

Lawng cu tikam ah an hnuh i zeizong vialte kha an kaltak i Jesuh kha an zulh.

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

DEUTERONOMI 33:9

A nu le a pa hna le An unau hna le A fale hna nakin Nangmah kha an in ṭanh deuh, Zeitintiah na nawlbia kha an ngaih i na biakamnak kha an zulh.