LUKA 5:34 - Lai (Hakha) Common Language Bible 2006

³⁴ Jesuh nih a leh hna i, “Nupi ṭhit rawl danghnak ah, nupi ṭhitupa cu an sin i a um chungah khan sawmmi hna cu rawl ulhter awk a si, tiah nan ruat maw? Nan ruat hrimhrim lai lo.

Laibaibal Thiang (BSI)

³⁴ Jesuh nih, mo ngeitu an sinah a um chung pauh cu mo ngeitu hawi le rawl nan ulhter kho lai maw?

LUKA 5:34 Iomraidhean Croise

SOLOMON HLA 5:8

Maw Jerusalem ngaknu leng rual hna, Ka dawt nunnem nan hmuh zawn ah cun, Zuun in a zaw ti in vung chim tawn ai u.

SOLOMON HLA 6:1

Khoi ah dah maw lengnu vial lak i mui ṭha cem, Khuazei ah dah aa herh ṭhan hoi kun, na dawt duh bik sung cem cu; Amah kawl lai awkin bawm rih sih.

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

ISAIAH 62:5

Tlangval nih ngaknu a ṭhit bantukin Nangmah an Sertu nih an ṭhit lai. Tlangval cu a mo cungah aa lawmh bantukin Na Pathian cu na cungah aa lawm lai.

ZEFANIAH 3:17

Bawipa na Pathian cu, nangmah kha him tein umter awkah na chungah ralkap bantukin a um ko; Na cungah a lung aa lawm lai i a tha a nuam lai; A dawtnak cu an hmuhter ṭhan lai; Hlanlio bantuk khan na cungah lunglawmhnak au thawng he aa lawm lai.

MATTHAI 22:2

“Vancung Pennak cu, a fapa caah nupi ṭhit rawl danghnak a tuahtu siangpahrang he aa lo.

MATTHAI 9:15

Jesuh nih cun, “Nupi ṭhit rawl danghnak puai ah, nupi ṭhitu a um chungah cun zeitindah an sawmmi hna cu ngaihchia in an um lai? Sihmanhsehlaw nupi ṭhitu an sinin aa ṭhen caan kha a phan ve te lai i cu tikah cun rawl cu an ul te ko lai.

LUKA 5:33

Jesuh cu mi a cheukhat nih an thawh i, “Johan zultu pawl cu atu le atu rawl an ul i thla an cam, cun Farasi mi hna zultu pawl zong nih khan cu bantuk ṭhiamṭhiam cun an tuah; sihmanhsehlaw nang na zultu hna cu an ding an ei ko,” tiah an ti.

LUKA 5:35

Sihmanhsehlaw nupi ṭhitupa an sin in a chuah caan kha a phan ko lai i cu tikah cun rawl cu an ul te ko lai,” tiah a ti.

JOHAN 3:29

Ṭhitmi ngaknu cu a ṭhitu tlangval ta pei a si cu. Nupi ṭhitu tlangval kawi cu a pawng khan a dir i nupi ṭhitu aw a theih tikah khan a lung aa lawm. Kei ka lunglawmhnak tlinter a sining zong cuticun a si ko.

2 KORIN 11:2

Pathian nih an sian hna lo bantukin kei zong nih kan siang ve hna lo. Nannih cu Khrih he i um dingin ka ham cangmi ngaknu thiang bantuk nan si.