LUKA 4:2 - Lai (Hakha) Common Language Bible 2006

² Khika ah Khuachia nih ni sawm li chung a rak tukforh. Cu chung vialte cu rawl a ei lo caah cu caan a dih tikah a rawl a ṭam ngaingai.

Laibaibal Thiang (BSI)

² Cukaah khuachia nih ni 40 chung a tukforh. Cu cân ah zeihmanh a ei lo. Cu cân cu an dih hnuah a rawl a ṭâm.

LUKA 4:2 Iomraidhean Croise

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

1 SIANGPAHRANG 19:8

Cun a tho i a ei a din i cu rawl thazang cun ni sawm li le zan sawm li, Pathian tlang Horeb leiah cun a kal.

ESTHER 4:16

“Va kal law Susa khua chung i a ummi Judah mi vialte kha va pum hna, cun keimah caah rawl ulhnak pakhat ni thum chung rak ser u; chun ah siseh zan ah siseh zeihmanh ei in ding hlah u. Cun nannih nih nan tuah bantukin kei le ka sinum hna zong nih rawl ulhnak cu kan rak tuah ve lai. Cun phung he aa ralchanhmi a si nain siangpahrang sinah cun ka va kal lai, ka thih ah thih si ko seh,” tiah a ti hna.

EXODUS 24:18

Moses cu minmei chungah khan a lut i tlang cungah cun a kai. Cuka ah cun ni sawm li le zan sawm li a um.

EXODUS 34:28

Moses cu Bawipa sinah khan ni sawm li le zan sawm li a um i zeihmanh a ding lo i a ei lo. Lungtlap cungah khan biakamnak bia cu a ṭial hna — nawlbia pahra cu.

JONAH 3:7

Cun Nineveh khua chungah khan thawngthanhnak a tuah i, “Mah hihi siangpahrang le a bawi hna nih an chuahmi nawlbia a si: Ahohmanh nih zeihmanh nan ei lai lo; minung nih siseh, saṭil nih siseh, cawrun nih siseh, tuurun nih siseh, rawl nan ei lai lo, ram nan ṭam lai lo, ti nan ding lai lo.

MATTHAI 21:18

A thaizing cu zingkate in Jesuh cu Jerusalem khua ah khan a kal ṭhan i lampi ah a rawl a ṭam.

MATTHAI 4:2

Ni sawm li le zan sawm li rawl loin a um hnuah Jesuh cu a rawl a ṭam ngaingai.

LUKA 4:3

Khuachia nih cun a thawh i, “Nangmah cu Pathian Fapa na si ahcun, hi lung hi changreu ah i cang tiah ti tuah ngat,” tiah a ti.

JOHAN 4:6

Cuka ah cun Jakob tikhor kha a um i Jesuh cu a khualtlawnnak ah cun a bat caah tikhor pawngah cun a ṭhu. Cu caan cu chun hrawng khi a si.

DEUTERONOMI 9:18

Cun Bawipa hmaiah a hlan bang khan ni sawm li le zan sawm li ka bawk; Bawipa kha a thin phawh awkah amah mithmuh ah ṭhat lo nan tuahnak thawngin sual nan tuahmi vialte ruangah rawl ei lo le ti ding loin ka um.

DEUTERONOMI 9:25

“Bawipa nih nannih cu ka hrawh hna lai tiah a ti caah, cucaah Bawipa hmaiah hi ni sawm li le zan sawm li cu ka bawk.

DEUTERONOMI 9:9

Lungtlap hna, Bawipa nih nannih he biakamnak a sernak lungtlap hna, lak awkah tlang cungah ka hung kai tikah khan, tlang cungah khan ni sawm li le zan sawm li ka hung um; rawl zong ka ei lo, ti zong ka ding lo.

HEBRU 2:18

Amah hrimhrim nih khan tukforhnak le temhinnak kha a rak in cang caah tukforhnak a ingmi kha a bawmh khawh hna.

HEBRU 4:15

Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si.

1 SAMUEL 17:16

Ni sawm li chung, Filistin mipa nih cun zingfa zanfa, a chuahhnawh hna i a dirhnawh lengmang hna.