LUKA 16:4 - Lai (Hakha) Common Language Bible 2006

⁴ A! Atu cu zeidah ka tuah lai ti kha ka hngalh cang! Cu ti ka tuah ahcun ka rian a dih tikah an inn ah a ka umter duhtu hawikom ka ngei hna lai,’ a ti.

Laibaibal Thiang (BSI)

⁴ Chawkengtu sinâk in a ka phuah hnuah an inn i anka cohlan khawhnâk ding ka hngalh cang’ tiah a ti.

LUKA 16:4 Iomraidhean Croise

PHUNGTHLÛKBIA 30:9

Zeicahtiah tam tuk ka ngeih ahcun kan hlawt sual lai i, “Bawipa cu aho hen dah a si?” ka ti sual lai; ka si a fah ahcun ka fir sual lai i ka Pathian min cu ka thurhhnawmh sual lai.

JEREMIAH 4:22

Ka mi hna cu mihrut an si, keimah kong kha zeihmanh an hngal lo; Annih cu fa lungping, hngalhthiamnak ngei lomi an si. Ṭhat lonak tuah bel an thiam ngai, sihmanhsehlaw ṭhatnak cu zeitindah ka tuah lai ti kha an hngal lo.

LUKA 16:3

Mipa nih cun a lungthli in, ‘Ka bawipa nih hin ka rian in a ka phuah ko lai, Zeidah ka tuah kun lai? Vawlei cawh le ka celh lo, mi thil hal le ka ning a zak fawn.

LUKA 16:5

Cucaah a bawipa lei a bami vialte kha a auh hna. A hmasa bikpa kha, ‘Ka bawipa cu zeizat dah nang na bat?’ tiah a ti.

LUKA 16:9

Cun Jesuh nih cun, “Cucaah hitin kan chimh hna: vawlei cung chawva in hawikom i ser hna u, zeicahtiah chawva cu a dih tikah zungzal inn ah an umter hna lai.

JEIM 3:15

Cu bantuk fimnak cu vancung in a rami a si lo; cu bantuk fimnak cu hi vawlei cung fimnak hi a si i thlarau aa tel lomi fimnak, khuachia fimnak tu a si.