LUKA 1:9 - Lai (Hakha) Common Language Bible 2006

⁹ Tlangbawi hna nih an zulhmi phungning in, biakṭheng cung i rimhmui khangh awkah khan amah cu camcawhfung zuh in an thim. Cucaah Bawipa Biakinn chungah khan a vung lut.

Laibaibal Thiang (BSI)

⁹ Bawipa ṭempal chungah lut in rimhmui khanghthawinâk tuah awkah camcawh fung an zuh tawnmi cu amah cungah a tla.

LUKA 1:9 Iomraidhean Croise

1 CHANRELNAK 23:13

Amram fapa hna: Aaron le Moses. Aaron cu amah le a fapa hna nih zungzal in Bawipa hmaiah zihmui kha an khangh i amah rian kha an ṭuan i amah min in zungzal in thluachuah peknak an chim nakhnga, Aaron cu a thiang bikmi thil hna kha pekchanh awkah thleidan a si.

1 CHANRELNAK 6:49

Sihmanhsehlaw Aaron le a fapa hna nih khan, Pathian sal Moses nih nawl a rak chiahmi vialte ning khan, a thiang bik hmun rian vialte ca le Israel mi caah remnak ser awkah, khangh thawinak biakṭheng cungah le zihmui biakṭheng cungah pekchanhnak kha an tuah.

2 CHANRELNAK 26:16

Sihmanhsehlaw a hung ṭhawn tikah aa rawknak dingah a hun i porhlaw. Bawipa a Pathian sinah zumhtlak loin a um i zihmui biakṭheng i zihmui khangh awkah khan Bawipa biakinn ah cun a lut.

2 CHANRELNAK 29:11

Ka fapale hna, atu cu thluarthlap in um hlah u, zeitintiah Bawipa nih nannih cu a hmai i dir awk le amah rianṭuan awk le amah rianṭuantu si awk le amah sinah zihmui khangh awkah an thim hna,” tiah a ti.

NAMBAR 16:40

Cun tlangbawi a si lo i Aaron tefa a si lomi ahohmanh nih Bawipa hmai i zihmui khangh awkah an ra naih nakhnga lo, Israel mi hna caah mah cucu hngalhtertu a si lai, Korah le a hawile hna bang khan an si sual ve nakhnga lo — Bawipa nih Moses in Eleazar sinah a chim bangin.

MATTHAI 27:5

Judas nih tangka cu hmunthiang chungah khan a vun hlonh i a kaltak; cun a chuak i a vaa awk.

HEBRU 9:6

Thil umtuning cu hitihin a si: Lenglei thlam chungah khan tlangbawi hna cu an rian ṭuan awkah ni fate in an lut lengmang;

1 SAMUEL 2:28

Cun amah cu ka biakṭheng i hung kal awk le zihmui khangh awk le keimah hmai i tlangbawi angki i hruk awkah, Israel mi phun vialte chungin ka tlangbawi si awkah ka thim; cun na pa chungle hna sinah cun Israel mi sinin ka hmuhmi mei in khanghmi pekchanhnak vialte kha ka pek.