LUKA 1:18 - Lai (Hakha) Common Language Bible 2006

¹⁸ Zekhariah nih vancungmi cu a thawh i, “Cucu a si kho lai tiah zeitindah ka zumh khawh lai? Zeicahtiah kei cu ka tar cang i ka nupi zong a tar ve fawn,” tiah a ti.

Laibaibal Thiang (BSI)

¹⁸ Zakariah nih vanmi sinah, “Cucu zeitindah ka hngalh lai? kei cu putar ka si, ka nupi zong a tar cang,” tiah a ti.

LUKA 1:18 Iomraidhean Croise

GENESIS 15:8

Sihmanhsehlaw Abram nih cun, “Maw Bawipa Pathian, cucu ka ta a si lai ti cu zeitindah ka hngalh khawh lai?” a ti.

GENESIS 17:17

Abraham cu a khuk aa bil i asinain, “Mipa nih kum za khat a si ah fa a ngei kho ngai hnga maw? Sarah nih hin kum sawm kua ah fa cu a ngei ngai hnga maw?” ti a ruah ah a nih a chuak.

GENESIS 18:12

Cucaah Sarah cu a ni i, “Atu cu fa ngei dingah ka tar tuk cang, cu lunglawmhnak cu ka hmu ngai hnga maw? Cu pinah ka va zong a tar fawn,” a ti.

2 SIANGPAHRANG 7:2

Cun siangpahrang nih a kut aa hngatchanmi ralbawi nih khan Pathian mi cu a thawh i, “Bawipa hrimhrim hmanh nih van ah khin thlalangawng hna a ser hmanh ah, mah thil hi a si kho hnga maw?” tiah a ti. Sihmanhsehlaw anih nih, “Na mit hrimhrim in na hmuh lai, sihmanhsehlaw a ei cu na ei lai lo” tiah a ti.

ISAIAH 38:22

Cun Siangpahrang Hezekiah nih cun, “Biakinn ah ka kal kho ṭhan lai tinak ah zei hmelchunhnak dah a um lai?” tiah a ti.

LUKA 1:34

Mary nih vancungmi cu a thawh i, “Ngaknu thiang ka si ṭung, zeitindah hihi cu a si khawh lai?” tiah a ti.

LUKA 1:7

Elizabeth cu a cin caah fa pakhat hmanh an ngei lo. An pahnih in an tar ngaingai cang.

ROM 4:19

Abraham cu kum za khat dengmang a si cang, sihmanhsehlaw mithi bantuk a si ko cangmi a pum le Sarah nih fa a hrin khawh lonak kha a ruah tikah a zumhnak cu a der hlei lo.