LEVITIKAS 7:12 - Lai (Hakha) Common Language Bible 2006

¹² Lawmhnak ca i pek a si ahcun, lawmh thawinak he cun thilnu telh lo changreu chiti he cawhmi, thilnu telh lo chang per tete chiti thuhmi le, chiti he ṭha tein cawhmi changvut dip cu a pekchanh chih lai.

LEVITIKAS 7:12 Iomraidhean Croise

2 CHANRELNAK 29:31

Khi tikah Hezekiah nih, “Nannih nih Bawipa sinah nan i thianh cang; ra u law raithawinak le lawmhnak thawinak cu Bawipa inn ah rak pu tuah hna u,” tiah a ti. Cun aa pummi nih raithawinak hna le lawmhnak thawinak hna kha an rak put i duhnak lungthin a ngeimi paoh nih khan khangh thawinak an rak put.

2 CHANRELNAK 33:16

Bawipa biakṭheng zong kha a chiah ṭhan i a cungah cun daihnak thawinak hna le lawmhnak thawinak hna kha a pekchanh hna i Bawipa, Israel Pathian cu a rian nan ṭuan lai, tiah Judah mi kha nawl a pek hna.

NEHEMIAH 12:43

Cun cu ni ah cun raithawinak ngan pipi an pekchanh hna i Pathian nih lunglawmhnak nganpi in an lung a lawmhter hna caah an i lawm; nu le ngakchia zong kha an i lawm ve. Cun Jerusalem khua chung i lunglawmhnak cu lamhlapi tiang a thang.

SALM 107:8

Cucaah Bawipa cu, an cung i thil ṭha a tuahmi caah khan le a fekmi a dawtnak ruangah khan, an lawmh hrimhrim awk a si.

SALM 116:17

Lawmhnak chimnak raithawinak cu kan pek lai i na sinah thla ka cam lai.

SALM 50:23

Lawmhnak chim hi keimah upatnak thawinak cu a si, ka nawl a ngaimi cu ka khamh hrimhrim hna lai,” a ti.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

HOSEA 14:2

Bawipa sinah cun kir law hihi na thlacamnak cu siter ko: “Kan sualnak vialte cu kan ngaithiam law kan thlacamnak cu kan cohlanpiak tuah, Cun kannih nih bia kan in kam cang bantukin kan in thangṭhat lai,” ti tuah.

LEVITIKAS 2:4

“Changreu rawhnak um chung i rawhmi changvut thawinak cu na pekchanh tikah, thilnu telh lo changvut dip chiti he cawhmi changreu a si lai, asiloah, thilnu telh lo changreu pan chiti thuhmi a si lai.

LEVITIKAS 2:5

Na pekchanhmi cu u-kang chungah reumi changvut thawinak a si ahcun, thilnu telh lomi changvut dip chiti he cawhmi a si lai;

LEVITIKAS 22:29

Lawmhnak thawinak Bawipa sinah nan pekchanh tikah nannih cu cohlan nan si nakhnga dingin nan thawi lai.

LEVITIKAS 6:16

Cun a tangmi cu Aaron le a fapa hna nih an ei lai; hmunthiang ah thilnu telh loin an ei lai; tonnak thlam tual chungah an ei lai.

LEVITIKAS 7:15

Cun lawmhnak ca i daihnak thawinak pekchanhmi sa cu thawinak a tuah ni ah cun ei a si lai; a thaizing tiangin zeihmanh a taanter lai lo.

AMOS 4:5

Thilnu cawhmi lawmhnak changreu kha rak pu hna u; Mah lungtho tein pekchanhmi thawhlawm cu pechan u, tiah zapi thanh hna u. Zeicahtiah nannih Israel mi nih nan tuah duhmi tham cu, thil a ningcangte i tuah ceo kha pei a si ko cu! Hihi Bawipa bia hrimhrim a si.

NAMBAR 6:15

cun thilnu telh lo changreu bawm khat, chiti he cawhmi changvut dip in sermi changreu hlum hna le changreu a per tete chiti thuhmi le an changvut thawinak hna le an thlet thawinak hna an si lai.

LUKA 17:16

Jesuh ke hram ah khan vawlei ah a bawk i Jesuh cu a lawmh. Cu pa cu Samaria mi a si.

LUKA 17:18

Annih zong ra kir in Pathian kha an thangṭhat kho lo maw? Hi ramdang mipa lawng hi maw a ra kho?” tiah a ti.

ROM 1:21

Pathian cu hngalh cu an hngalh ko, sihmanhsehlaw pek awk a simi upatnak kha an pe duh lo; a lawmh zong an lawm duh fawn lo. An ruahnak kha pakpalawng tu ah a cang i an lungthin kawlawngpi cu muihnak in a khat.

EFESA 5:20

Kan Bawipa Jesuh Khrih min in zeizong kip caah Pathian cu lawm u.

HEBRU 13:15

Cucaah Pathian cu thangṭhat zungzal ko u sih. Cu thangṭhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.