LEVITIKAS 5:3 - Lai (Hakha) Common Language Bible 2006

³ Cun ahohmanh nih minung thian lonak, zei bantuk thian lonak phun hmanh in thianglo si ai kun, cun amah nih a hngalh lo i a buar ahcun, amah nih a hun hngalh tikah a mawh lai.

LEVITIKAS 5:3 Iomraidhean Croise

EZEKIEL 44:27

Hmun Thiang Bik chung i rian ṭuan awkah chungchin tual ah khan an luh tikah, an sual thawinak kha an pekchanh lai, tiah Bawipa Pathian nih a ti.

LEVITIKAS 13:3

tlangbawi nih cun a pum cuar cung i zawtnak a umnak zawn cu a zoh lai; zawtnak a umnak zawn hmul cu a ran i a zawtnak cu a pum cuar nakin a thuk deuh a lawh ahcun, cucu thinghmui zawtnak a si; tlangbawi nih a zoh dih tikah amah cu thianglo a si tiah a thanh lai.

LEVITIKAS 5:2

Cun, ahohmanh nih a thiang lomi thil, a thiang lomi saram ruak siseh, a thiang lomi saṭil ruak siseh, a thiang lomi a lawnmi ruak siseh a tongh i amah nih a hngalh lo i aa buar ahcun, amah nih a hun hngalh cangka in a mawh lai.

LEVITIKAS 5:4

Cun ahohmanh nih ṭhat lonak tuah awk siseh, ṭhatnak tuah awk siseh, i ruat cungcang loin a hmur in zei bantuk chiatsernak hmanh si ai kun, a ser i amah nih a hngalh lo ahcun, a hun hngalh tikah hi chiatsernak pakhatkhat cungah a mawh lai.

LEVITIKAS 7:21

Cun ahohmanh nih thil thianglo, minung thian lonak siseh, saram thianglo siseh, a thiang lomi thil fihnung zeipaoh siseh, a tawngh i Bawipa daihnak thawinak pekchanhmi sa a ei ahcun cu mi cu a miphun sinin hlawt a si lai.”

NAMBAR 19:22

Cun a thiang lomi nih a tawnghmi thil paoh kha thianglo a si lai i, cu thil a tawngmi paoh cu zanlei tiang thianglo a si lai,” tiah a ti.