LEVITIKAS 21:5 - Lai (Hakha) Common Language Bible 2006

⁵ An lukheng an i kolh lai lo, an khahmul par zong an riam lai lo, an taksa zong zeihmanh an at lai lo.

LEVITIKAS 21:5 Iomraidhean Croise

ISAIAH 15:2

Dibon khuami hna cu hmunthiang i va ṭah awkah tlang ah khan an kai. Moab mi hna nih cun Nebo khua le Medeba khua kha an ṭah hna; an ngaihchiat in an lu an i kongh i an khahmul an i ziah.

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

JEREMIAH 16:6

Hi ram ah hin mingan he mihme he an thi lai, sihmanhsehlaw vui an si lai lo i ahohmanh nih a ṭah zong an ṭah hna lai lo, anmah ruangah ahohmanh a ah zong an i at lai lo, an sam zong an i kawngh lai lo.

JEREMIAH 48:37

Annih nih an dihlak in an lu an i kawngh i an khahmul an i meh i an kut an i at i an tai ah buri an i venh.

EZEKIEL 44:20

An lu an i met lai lo, an sam zong an sauter fawn lai lo, an sam cu a riam lawngin an riam tawn lai.

EZEKIEL 5:1

Cun a ka thawh i, “Mipa, nam a har ngaingaimi, lumettu nam bantuk kha i lak law na lu le na khahmul kha i met tuah. Cun cuaithlainak kha la law ṭhen thum ah sam cu ṭhen hna.

LEVITIKAS 10:6

Cun Moses nih Aaron le a fapa hna Eleazar le Ithamar sinah, “Nan sam i thlah hlah u, nan puan kha thlek hna hlah u, nan thih sual i mibu dihlak cungah thinhunnak a rat sual nakhnga lo; sihmanhsehlaw Bawipa nih a kanghtermi mei kanghnak cu nan unau, Israel chungkhar dihlak nih khan, ṭah hna seh.

LEVITIKAS 21:4

Asinain ṭhitumnak lei in aa pehtlaimi an thih ah i thurter hna hlah seh.

AMOS 8:10

Nan puai cu ṭahnak ah ka ser hna lai i Nan hla hna cu mithi ngaihnak hla ah ka canter hna lai. Nannih cu nan dihlak in buri kha kan kaihter hna lai i nan lu kha kan kawngh dih hna lai. Fapa ngeih chunte a thih i an ṭah bantuk ah khin nan puai cu ka ser lai, A donghnak cu a khaat in a khami ni a si lai.

MIKAH 1:16

Naa lawmh tawnnak na fale ruangah khan na lu i kawngh tuah; Annih nih an in kaltak i saltannak chungah an luh cang caah langta bantukin na lu i kolh tuah.

DEUTERONOMI 14:1

“Nannih cu Bawipa nan Pathian i fapa nan si; mithi caah nan i at lai lo i nan mittlang hmul zong nan i met lai lo.