LAMKALTU 7:2 - Lai (Hakha) Common Language Bible 2006

² Steven nih cun a leh i, “U le nau le pale hna, ka bia hi ngai tuah u! Kan pu Abraham cu Haran khua i va um awkah a rak i thawh hlan, Mesopotamia ram i a rak um lioah khan sunparnak Pathian cu a sinah a rak lang i,

Laibaibal Thiang (BSI)

² Anih nih, “U le nau le pa le hna, ngaihmanh u: Kan pa Abraham cu Haran khua a um hlan i Mesapotamia ram i a um lio ah, sunparnâk Pathian kha a sinah â lang i

LAMKALTU 7:2 Iomraidhean Croise

GENESIS 11:31

Terah nih a fapa Abram le a tu Lot, Haran fapa kha le, Abram nupi Sarai kha, Kanaan ram lei i kal awkah Khaldi ram Ur khua khan a thawhpi hna. Sihmanhsehlaw Haran khua tiang an kal i cuka ah cun umhmun an khuar.

GENESIS 12:1

Bawipa nih Abram cu a thawh i, “Na ram le na rualchan le na pa inn kha chuahtak hna law kan hmuhsak laimi ram ah kal tuah.

GENESIS 12:5

Abram cu a nupi Sarai le a nau fapa Lot le Haran khua an um hnu i an ngeihmi an chawva vialte le an sal vialte hna he khan Kanaan ram lei kal ah cun aa thawh. Kanaan ram an phak tikah

GENESIS 15:7

Cun Bawipa nih Abram cu a thawh i, “Hi ram hi nangmah pek awkah Khaldi ram Ur khua in chuah an fialtu cu Bawipa hi ka si,” a ti.

GENESIS 29:4

Jakob nih annih cu a thawh hna i, “Ka duale, khuazei mi dah nan si?” a ti hna. Annih nih, “Haran khuami kan si,” an ti.

NEHEMIAH 9:7

Nangmah cu Abram kha a thim i Khaldi mi hna khua Ur khua in a chuahpi i a min ah Abraham a saktu Bawipa Pathian cu na si.

SALM 24:10

A liannganmi siangpahrang cu ahodah a si? Amah cu ralkapbu Bawipa, a liannganmi siangpahrang kha a si! Selah a si! Selah

SALM 24:7

Kutka hna, kau piin i hung u, zungzal in a ummi innka hna, kau piin i hung u; a liannganmi siangpahrang cu a lut lai.

SALM 29:3

Bawipa aw cu rili cungah a thang, a sunglawimi Pathian cu khuari bantukin a ri i a aw cu rili cungah khan a thang dih.

ISAIAH 37:12

Ka pupa hna nih khan Gozan le Haran le Rezef khua kha an hrawh hna i Telassar khua i a ummi Beth-eden mi kha an thah hna, kha hna kha an pathian nih ahohmanh an khamh khawhmi hna an um lo.

ISAIAH 51:2

Nannih an hringsortu hna Abraham le Sarah kha ruat hna hmanh u. Abraham cu ka rak auh lioah khan fa a ngei lo, sihmanhsehlaw thluachuahnak ka pek i fa ka pek; a tefa cu tampi ah ka ser hna.

ISAIAH 6:3

Pakhat le pakhat kha an i chawn i, “A thiang, a thiang, a thiang, Ralkapbu Bawipa cu a thiang! Vawlei cung vialte hi a sunparnak in a khat dih,” an ti.

MATTHAI 6:13

Tukforhnak chungah kan phakter hlah, Mi Ṭhalopa sin khan him tein kan khamh tuah.

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 12:41

Isaiah nih hi bia a rak chimmi cu Jesuh sunparnak kha a rak hmuh caah a si i amah kong cu a rak chimmi kha a si.

LAMKALTU 22:1

Paul nih cun a thawh hna i, “U le nau hna le pale hna, nan hmai i kaa humhaknak bia ka chim tikah hin ka bia hi ka ngaihpiak tuah u,” tiah a ti.

LAMKALTU 23:7

Cu bia a chim cangka in Farasi mi hna le Sadusi mi hna cu an i si i an kuai.

LAMKALTU 7:1

Tlangbawi Ngan nih Steven cu a thawh i, “Hihi a si taktak maw?” tiah a hal.

1 KORIN 2:8

Hi vawlei a uktu hna nih hin, cu fimnak cu an rak hngal lo. Rak hngal hna seh law cu, sunparnak Bawi kha vailam ah an rak khenh hnga lo.

EFESA 1:17

Kan Bawipa Jesuh Khrih i a Pathian, a liannganmi kan Pa cu, nanmah kha Thlarau pek awkah ka hal lengmang, thlarau nih cun an fimter hna lai i Pathian kha nan sinah a phuan lai i Pathian cu nan hngalh lai.

TITAS 2:13

A liannganmi kan Pathian le kan Khamhtu Khrih Jesuh sunparnak kha a langh tikah kan i ruahchanmi cu a tling lai, cu a tlin lai Ni cu ngangngan ngaiin kan hngak ko.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

HEBRU 11:8

Pathian nih Abraham kha a auh tikah, a bia a ngaihtertu le, kan pek lai, tiah a kamhmi ram i a kaltertu kha zumhnak a si. Khuazei ah ka kal ti hngal loin a ram kha a chuahtak.

JEIM 2:1

Ka u le ka nau hna, sunparnak Bawi, Bawipa Jesuh Khrih a zummi nan si bantukin mi thleidannak lungthin zeihmanh ngei hlah u.

JOSHUA 24:2

Cun Joshua nih mi vialte cu, “Hi bangin Bawipa Israel Pathian nih a ti: ‘Hlan liopi ah cun nan pupa hna cu Zufrates tiva khattelei ral ah an rak um, Abraham le Nahor pa Terah cu; cun pathian dang kha an rak biak hna.

BIAPHUAN 4:11

“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.