LAMKALTU 5:3 - Lai (Hakha) Common Language Bible 2006

³ Peter nih anih cu a rak thawh i, “Ananias, zeicahdah Satan cu na lung kha na ukter i na lo man ah na hmuhmi tangka a cheu kha naa chiah i Thiang Thlarau sinah lih na chim?

Laibaibal Thiang (BSI)

³ Peter nih, “Ananias Thiang Thlarau sin i lih chim ding le na loram man a cheu thup dingin, zeiruangahdah Satan nih na lungthin a khahter?

LAMKALTU 5:3 Iomraidhean Croise

JOB 22:13

Sihmanhsehlaw nang nih cun naa thawh i, ‘Pathian nih zeidah a hngalh? Muihnak nih a tuam i biaceih khawhnak ah khua a hmu kho lai lo;

PHUNGTHLÛKBIA 20:25

Pathian sin pek awk laksawng naa kam hlanah ṭha tein ruat hmasa, a hnuah naa ngaichih sual lai.

PHUNGCHIMTU 5:4

Cucaah Pathian sin i bia kamnak na tuah tikah khulrang in cucu zul ko. Pathian nih mihrut cu zeihmanh ah a herh hna lo. Ka tuah lai tiah naa kammi kha va tuah ko.

ISAIAH 29:15

Bawipa nih hmu hlah seh, tiah an khuakhannak a thupmi hna cu an lo cang. An i timhmi cu a thli tein an ṭuan i, kan tuahmi cu ahohmanh nih an hmu lai lo i an hngal lai lo, tiah an ruah.

JEREMIAH 23:24

Ka hmuh khawh lonak hmun pakhatkhat ah minung hi aa thup kho hnga maw? Van le vawlei hi ka khat dih lo maw? tiah Bawipa nih a ti.

HOSEA 11:12

Efraim nih hlennak bia in a ka kulh i Israel chungkhar hna nih dehnak bia in an ka kulh; Cun Judah cu Pathian kha zulh duh loin aa chang i, A thiang tiah a timi siasal kha an biak ko rih hna.

NAMBAR 30:2

Mipa pakhatkhat nih Bawipa sinah biakamnak a tuah ah maw, biakamnak in amah le amah cu i ṭem awkah chiat a ser ah maw, a bia cu a hrawk lai lo; a kaa chungin a chuakmi vialte bang khan a tuah lai.

MATTHAI 13:19

Lam hril i a tlami thlaici cu Vancung Pennak kong kha a theih cu a thei i a sullam a hngal ṭung lo mi kha an si. An chung i tuhmi thlaici cu Mi Ṭhalopa nih khan a chuah dih.

LUKA 22:3

Khi tikah zultu pahleihnih hna lak i aa tel vemi Judas Iskariot an timi chungah khan Satan cu a lut.

JOHAN 13:2

Jesuh le a zultu hna cu zanriah an dum i Khuachia nih khan Simon Iskariot fapa Judas lung chungah khan Jesuh rawinak ding ruahnak cu a rak khumh cang.

JOHAN 13:27

Judas nih aa lak cangka, Satan kha a chungah a lut. Jesuh nih cun amah cu a thawh i, “Na tuah ding cu khulrang in tuah ko kun,” tiah a ti.

LAMKALTU 5:2

a nupi theih tein a man tangka a cheu cu an i chiah i a cheu cu lamkaltu hna sinah khan an rak put.

LAMKALTU 5:4

Na thil cu na zuarh hlanah khan nangmah ta a si, cun na zuarh hnu zongah khan a man cu nangmah ta a si ṭhiamṭhiam ko. A si kun ahcun, zeicahdah cu bantuk thil tuah awkah cun na lung chungin na rak ruah? Minung sinah lih na chim a si ṭung lo, Pathian sinah pei lih na chim a si cu,” tiah a ti.

LAMKALTU 5:9

“Zeicahdah na va he nan pahnih in Bawipa Thlarau cu hneksak del awkah khua nan rak khan? Na va a va vuitu hna kha innka hram ah an um ko rih khih, nangmah zong an in kalpi ve lai,” tiah a ti.

DEUTERONOMI 23:21

“Bawipa nan Pathian sinah biakamnak nan tuah tikah rau loin nan pek lai, zeitintiah Bawipa nan Pathian nih an hal hrimhrim hna lai i nan caah sualnak a si sual lai.

JEIM 4:7

Cucaah Pathian nawl kha ngai ko u. Khuachia kha doh u law an zam tak ko hna lai.

1 PETER 5:8

Fimhring tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko.