KOLOSE 3:16 - Lai (Hakha) Common Language Bible 2006

¹⁶ Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

Laibaibal Thiang (BSI)

¹⁶ Krih bia cu fimnâk phunkip he nanmah ah khat ko seh, biazâi le hla, thlarau lei hla hna in i cawm changin i cawnpiak u law, Bawipa sinah nan lungthin in zângfahnâk he hla sa u.

KOLOSE 3:16 Iomraidhean Croise

1 SIANGPAHRANG 3:28

Cun Israel mi vialte nih siangpahrang biachahmi kha an theih i siangpahrang cu an khuaruah a har, zeicahtiah biading in biachah khawh awkah Pathian fimnak kha a chungah a um ti an hngalh.

1 CHANRELNAK 25:7

Annih cu an unaule, Bawipa thangṭhatnak hlasak i cawnpiakmi, a thiammi vialte he, za hnih sawm riat pariat an si.

NEHEMIAH 12:46

Zeicahtiah David chan ah khan Asaf nih hlasatu hna hruitu bik le Pathian thangṭhatnak le lawmhnak chimnak hla a rak hruitu hna kha a si.

JOB 23:12

A hmur in a chuakmi nawlbia kha zeirello in ka um hna lo i Ka lung chungah a kaa chuak bia kha ka khon hna.

SALM 119:11

Nangmah cungah sualnak ka tuah nakhnga lo na nawlbia cu ka lung chungah kaa chiah.

SALM 119:54

Ka inn in lamhlatpi i ka umnak hmun ah na nawlbia kha hla in ka hlawi hna.

SALM 138:1

Bawipa, nangmah cu ka lungthin dihlak in kan lawmh; nangmah cu pathian hna hmaiah kan ṭhangṭhat.

SALM 28:7

Bawipa nih a ka huh i a ka phenh; amah cu kaa bochan ko. A ka bawmh i kaa lawm, cucaah amah thangṭhatnak hla ka sa.

SALM 32:7

Nangmah cu kaa thuhnak hmun na si, harnak chungin na ka khamh lai. Nangmah nih na ka huhphenh caah fak piin na khamhnak cu hla in ka thangṭhat. Selah

SALM 71:23

Nangmah thangṭhat in tingtang ka tum pah in lunglawm in ka au lai, nangmah nih na ka khamh caah ka minung sinak a dihlak in kan thangṭhat lai.

PHUNGTHLÛKBIA 14:8

Zeicahdah mifim cu a fim? Zeidah ka tuah lai ti kha aa hngalh caah a fim. Zeicahdah mihrut cu a hruh? Ka hngalh tiah aa ruah caah a hrut.

PHUNGTHLÛKBIA 18:1

Mi dang he aa rem lomi cu amah duhnak lawng zulh a duhmi a si, midang nih a hmaan an timi paoh kha a hnatlakmi a um lo.

SOLOMON HLA 1:1

Solomon hla iang dawh bia hna:

ISAIAH 10:2

Cu ti nan tuah caah cun sifakmi nih an hmuh awk hnga a simi kha an hmu kho lo i an bia kha ding tein ceihpiak a um bal lo. Cu phung cun nannih nih nuhmei le ngakṭah kha an thil le an ri nan chuh hna.

ISAIAH 26:1

Hi hla hi Judah ram chungah an sak ni a phan lai: Kan khuapi cu a ṭhawng, Pathian hrimhrim nih a kulhnak cu a ven!

ISAIAH 30:29

Sihmanhsehlaw nannih Pathian mi hna cu nan i lawm lai i a thiangmi puai zan i hla an sak bantukin hla nan sa lai. Bawipa, Israel Lungpi thangṭhat in biakinn ah thonglawi aw zulh in a kalmi hna bantukin nan i lawm lai.

ISAIAH 5:1

Ka hawipa le a mitsur dum hla ka phuahmi hna hi ngai tuah u. Vawlei ṭhatnak tlang cungah ka hawipa nih mitsur dum pakhat a ngei.

JEREMIAH 15:16

Na bia zei ah a rel lomi cu ka in hna a hau, Na bia cu kei ka caah cun lawmhnak le thanuamnak a si; Zeicahtiah nangmah nih keimah cu na ta si awkah min na ka bunh cang, Maw Bawipa, Ralkapbu Pathian.

MATTHAI 26:30

Cun hla an sa i Oliv tlang ah khan an kal.

LUKA 2:51

Cuticun Jesuh cu an sinah Nazareth khua ah khan a kir i a nu le a pa kut tangah nawl ngai tein a um: Hi thil vialte hi a nu nih a lung chungah aa ken dih.

JOHAN 15:7

Ka chung i nan um i ka bia kha nan chungah a hmunh ahcun, nan duhmi paoh kha nan ka hal lai i nan hmuh ko lai.

ROM 10:17

Cucaah zumhnak cu bia theihnak thawng khan a um i bia cu Khrih kong chimnak thawng khan a um.

ROM 15:14

Ka u le ka nau hna, Keimah hrimhrim nih ṭhatnak le hngalhnak in nan khat i nan i cawnpiak kho ko ti kha fiang tein ka hngalh.

1 KORIN 14:15

Cucaah zeitindah ka tuah awk a si lai? Ka thlarau in thla ka cam lai i ka lungthin zongin ka cam fawn lai; ka thlarau in hla ka sa lai i ka lungthin zongin ka sak fawn lai.

1 KORIN 14:26

Cucaah ka u le ka nau hna, ka chim duhmi cu hihi a si: Pathian biak awk i nan i pumh tikah pakhat nih hla thawh awk nan ngei ko lai, pakhat nih cawnpiak awk nan ngei ko lai, pakhat nih Pathian nih a sinah a phuanmi bia chim awk nan ngei ko lai, pakhat nih holhtheihlo in phung chim ding nan ngei ko lai i pakhat nih cu holhtheihlo a sullam leh khawhnak cu nan ngei ko lai. Cu vialte cu a zeipaoh hmanh kha, khrihfabu ṭhathnemnak ding caah tuah si hna seh.

EFESA 1:17

Kan Bawipa Jesuh Khrih i a Pathian, a liannganmi kan Pa cu, nanmah kha Thlarau pek awkah ka hal lengmang, thlarau nih cun an fimter hna lai i Pathian kha nan sinah a phuan lai i Pathian cu nan hngalh lai.

EFESA 5:17

Mihrut si ti hlah u, Bawipa nih tuah hna seh ti an duhmi hna tu kha tuah i zuam u.

EFESA 5:19

Hla dawh in pakhat le pakhat i chawn u; Bawipa cu hla le aw dawh in nan lung taktak in thangṭhat u.

EFESA 5:26

Khrihfabu cu ti in thiang tein a ṭawl hnuah Pathian sinah a bia in a pek.

KOLOSE 1:28

Cucaah Khrih kong cu mi vialte kha ka chimh hna. Cucaah a mi kip kha kan fimnak nih a phanh khawh chungin ralrinnak kha kan pek hna i kan cawnpiak hna, cucu zeicahdah kan tuah ti ahcun Khrih he i pehtlai in ahopaoh kha nutling patling in Pathian hmaika ah chuahpi hna u sih ti kan duh caah a si.

KOLOSE 1:9

Nan kong kan theih ri in nan caah thla kan cam lengmang. Pathian nih nannih cu amah hngalhnak le a Thlarau nih an pekmi hna fimnak le hngalhnak in in khahter hna seh tiah Pathian cu kan nawl.

KOLOSE 4:6

Nan biachim nan holhrel cu a zungzal in ngaih a nuammi le a ṭhami a si awk a si i ahopaoh kha zeitindah ka chawnh ah a ṭhat bik lai ti hngalh kha nan i zuam lai.

1THESALON 1:8

Zeicahtiah nanmah sinin a chuakmi thawngpang Bawipa kong kha Masidonia le Grik ram leng a phan i Pathian nan zumhnak thawng nih khan khuazakip a cul. Cucaah kan khualtlawnnak kong cu kanmah nih chim a herh ti lo,

1THESALON 4:18

Cucaah pakhat le pakhat hi bia hin nan tha i nuamter cio u.

2 THESALON 3:15

Asinain ral bantukin zoh hna hlah u, unau bantukin chimhring hna u.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

2TIMOTE 3:15

na ngakchiat lio tein Cathiang kha a hngalmi na si; na hngalh bangin cu Cathiang hna nih cun Khrih Jesuh zumhnak thawngin hmuhmi khamhnak i an kalpi khotu fimnak kha an pek.

TITAS 3:6

Jesuh Khrih kan khamhtu thawngin Pathian nih Thiang Thlarau cu tampi in a kan toih i

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

JEIM 5:13

Nan lakah harnak a tongmi nan um ahcun, thla cam hna seh. A lung aa lawmmi nan um ahcun, thangṭhatnak hla sa hna seh.

1JOHAN 2:14

Ka dawtle hna, Pa kha nan hngalh caah hi ca hi kan kuat hna. Pale hna, a hramthawk tein a ummi kha nan hngalh caah kan kuat hna. Tlangval hna, nan ṭhawn caah kan kuat hna; Pathian bia cu nan chungah a um i Miṭhalopa kha nan tei cang.

1JOHAN 2:24

Cucaah a hramthawk tein nan theihmi bia kha nan lung chungah i cinken u. A hramthawk tein nan theihmi bia kha nan lung chungah nan i cinken ahcun, Fapa le Pa he i pehtlai in nan nung zungzal lai.

1JOHAN 2:27

Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.

2 JOHAN 1:2

zeicahtiah biatak cu kan chungah a hmun i kan sinah a um zungzal lai.

BIAPHUAN 14:3

Sing khat sang li le thong li hna cu bawiṭhutdan le saram nung pali hna le upa hna lei hoih khan an dir. Vawlei cungin tlanh a simi hna lawng nih an thiam khawhmi hla thar kha an sa.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

BIAPHUAN 19:10

Amah biak awkah a ke hramah ka bawk, sihmanhsehlaw a ka thawh i, “Bawk hlah. Keimah zong nangmah bantukin Pathian sal ka si ve, Jesuh nih a phuanmi biatak aa tlaihmi nan unau hna lak i pakhat ka si ve. Pathian tu bia tuah,” a ti. Profet hna kha lungthawhnak a petu cu Jesuh nih a phuanmi biatak kha a si.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.