JOSHUA 9:8 - Lai (Hakha) Common Language Bible 2006

⁸ Annih nih Joshua sinah, “Na sal kan si ko hi ta,” tiah an ti. Cun Joshua nih annih cu, “Ahodah nan si, cun khuazei in dah nan rat?” tiah a ti hna.

JOSHUA 9:8 Iomraidhean Croise

2 SIANGPAHRANG 10:5

Cucaah siangpahrang inn a zohkhenhtu le khua a zohkhenhtu hna nih khan upa hna le ngakchia zohkhenhtu hna he tiah Jehu cu bia an cah i, “Kannih cu na sal kan si ko, na kan fialmi paoh cu kan tuah lai. Ahohmanh siangpahrang ah kan ser hna lai lo; nangmah mit ah a ṭha na timi paoh kan cungah tuah ko,” tiah an ti.

DEUTERONOMI 20:11

An lehnak hna cu remnak a si i nan sinah aa hun ahcun, cu chung i a ummi mi vialte cu nan caah hnekmi rian a ṭuantu an si lai i an in rianh hna lai.

JOSHUA 10:6

Cun Gibeon mi hna nih cun Joshua cu Gilgal riahhmun ah cun an hei cah i, “Na sal hna cungin na kut kha dorh hlah; khulrang in hung law, kan khamh law, kan bawm tuah; zeitintiah tlang cungah khua a sami Amor mi siangpahrang vialte kha kanmah doh awkah an i pum,” tiah an ti.

JOSHUA 9:11

Cun kan upa hna le kan ram minung vialte hna nih, ‘Lampi caah riahcaw i rawnh u law, va kal u law, va tong hna u, cun annih sinah, “Kannih cu nan sal kan si; ra u law, kanmah he biakamnak ser u,” tiah va ti hna u,’ tiah an kan ti.

JOSHUA 9:23

Cucaah nannih cu chiatserhmi nan si cang i, a cheu cu thing hlamtu le ti thantu sal, ka Pathian inn caah nan si zungzal lai,” tiah a ti hna.

JOSHUA 9:25

Atu ah hin zohhmanh, na kut chungah kan um ko: na mithmuh ah a ṭha le a dik na ti bantukin kan cungah cun tuah ko,” tiah an ti.

JOSHUA 9:27

Sihmanhsehlaw Joshua nih khi ni ah cun aa pummi ca le a thim laimi hmun i Bawipa biakṭheng caah annih cu nihin ni tiangin thing hlamtu le ti thantu ah a ser hna.