JOSHUA 9:5 - Lai (Hakha) Common Language Bible 2006

⁵ a ṭet i belhchommi kedan an i danh i hnipuan ṭet ṭiapṭuap an i aih; cun an riahcaw vialte cu a car i a buar dihmi an si.

JOSHUA 9:5 Iomraidhean Croise

LUKA 15:22

Sihmanhsehlaw a pa nih khan a sinum kha a auh hna i, ‘Khulrang in puan ṭha bik kha rak pu u law aih u. A kutdong ah kutdonghrolh hrolh u law a ke ah kedan danh u.

DEUTERONOMI 29:5

Ramlak ah kum sawm li chung kan hruai hna i, nan keng cung puan siseh nan ke cung kedan siseh an ṭet lo,

DEUTERONOMI 33:25

Na kothrolh hna cu thir le dar an si lai; Na nunchung vialte na thazang nih in nguh ko seh,” tiah a ti.

JOSHUA 9:12

Kan riahcaw ca i kan changreu hna hi, nannih sin rat awk i kan inn in kan i thawh ni ah cun a lumte an si, sihmanhsehlaw atu cu, zohhmanh u, an car dih i an buar dih cang;

JOSHUA 9:13

hi saphaw zucua hna hi kan rak rawn hna ah cun a tharte an rak si; sihmanhsehlaw, zohhmanh u, atu an kak dih cang; cun hi kan hnipuan hna le kan kedan hna hi kan ratnak lam a hlat tuk caah an ṭet dih cang,” tiah an ti.

JOSHUA 9:4

annih nih cun zer ngaiin an tuah; an kal i riahcaw an i rawnh i an laa hna kha sawngkhoi ṭet le a ṭet i a tlek i belhmi saphaw zucua kha an phorhter hna i,

JOSHUA 9:6

Cun Gilgal riahhmun ah khan Joshua le Israel mi hna sinah an va kal i, “Ram hla piin a rami kan si, cucaah kanmah he biakamnak ser u,” tiah an ti.