JOSHUA 9:4 - Lai (Hakha) Common Language Bible 2006

⁴ annih nih cun zer ngaiin an tuah; an kal i riahcaw an i rawnh i an laa hna kha sawngkhoi ṭet le a ṭet i a tlek i belhmi saphaw zucua kha an phorhter hna i,

JOSHUA 9:4 Iomraidhean Croise

GENESIS 34:13

Jakob fapa pawl nih cun, Shekhem nih an farnu Dinah kha a thang a chiat caah bia an leh hna tikah Shekhem le a pa cu an hlen hna.

SALM 119:83

Kei cu an hlonhmi saphaw cua bantukin santlailo ka si, asinain na nawlbia cu ka philh hna lo.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

MATTHAI 9:17

Cun a hlunmi saphawcua chungah mitsur hang thar an rawn bal lo, cu ti an tuah ahcun a saphaw kha a kek lai i a mitsur hang kha a chuak dih lai i a saphaw kha a rawk lai. Cucaah mitsur hang thar cu saphawcua a tharmi chung tu ah an rawn tawn i cuticun an pahnih in ṭha tein an um,” tiah a ti.

MARKA 2:22

Cun mitsur hang hriim kha a hlun mi saphaw cua chungah ahohmanh nih an rawn bal lo. An rawn ahcun mitsur hang nih khan saphaw cua cu a pah lai i a mitsur hang he a saphaw cua he an rawk dih lai. Mitsur hang hriim cu saphaw cua a tharmi ah rawn ding a si ko,” tiah a ti.

LUKA 16:8

Cu thil zohkhenhtu mihrokhrawlpa cu a bawipa nih khan cu bantukin fim ngaiin thil a ti caah a thangṭhat; zeicahtiah hi vawlei cung mi hna hi an thil tining ah ceunak mi hna nakin an fim deuh,” tiah a ti.

JOSHUA 9:12

Kan riahcaw ca i kan changreu hna hi, nannih sin rat awk i kan inn in kan i thawh ni ah cun a lumte an si, sihmanhsehlaw atu cu, zohhmanh u, an car dih i an buar dih cang;

JOSHUA 9:13

hi saphaw zucua hna hi kan rak rawn hna ah cun a tharte an rak si; sihmanhsehlaw, zohhmanh u, atu an kak dih cang; cun hi kan hnipuan hna le kan kedan hna hi kan ratnak lam a hlat tuk caah an ṭet dih cang,” tiah an ti.

JOSHUA 9:3

Sihmanhsehlaw Gibeon khuami hna nih Joshua nih Jeriko le Ai cungah a tuahmi kha an theih tikah,

JOSHUA 9:5

a ṭet i belhchommi kedan an i danh i hnipuan ṭet ṭiapṭuap an i aih; cun an riahcaw vialte cu a car i a buar dihmi an si.