JOSHUA 9:14 - Lai (Hakha) Common Language Bible 2006

¹⁴ Cucaah mi hna nih cun an hun phorhmi riahcaw cu an ei pi hna i Bawipa awka zeihmanh an ngai lo.

JOSHUA 9:14 Iomraidhean Croise

2 SAMUEL 2:1

Hi hnuah hin David nih Bawipa kha a hal i, “Judah ram chung khua pakhatkhat ah ka hung kal lai maw?” tiah a ti. Cun Bawipa nih amah cu, “Hung kal,” tiah a ti. David nih, “Khuazei ah khin dah ka hung kal hnga?” tiah a ti. Anih nih, “Hebron ah,” tiah a ti.

2 SAMUEL 5:19

Cun David nih Bawipa kha a hal i, “Filistin mi hna doh awkah ka hung kal lai maw? Annih cu ka kut chungah na ka pe hna hnga maw?” tiah a ti. Cun Bawipa nih David cu, “Hung kal ko, zeitintiah Filistin mi cu na kut chungah kan pek hrimhrim hna lai,” tiah a ti.

EZRA 8:21

Cun kan Pathian sinin kanmah ca le kan fale hna ca le kan thilri vialte ca i lam ding kawl awkah amah hmaiah cun kan lung kan i ṭhumh khawh nakhnga Ahava tiva ah cun rawl ulhnak kan thanh.

EXODUS 28:30

Biakhiahnak ṭangbenh chungah cun camcawhnak Urim le Thummim kha na chiah hna lai i Aaron cu Bawipa umnak chung i a vung luh tikah annih cu a ṭang cungah khan an um lai. Bawipa hmaika i a um tikah Aaron nih khan a ṭang cung in, Israel mi hna ca i biakhiahnak thilri kha aa phorh zungzal lai.

NAMBAR 27:21

Cun tlangbawi Eleazar hmaiah khan a dir lai i amah nih Bawipa hmaiah Urim in bia a halpiak lai; amah bia in an chuak lai i amah bia in an lut lai, amah le amah sinah a ummi Israel mi an dihlak in, mibu cu a ning piin,” tiah a ti.

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.

JOSHUA 9:13

hi saphaw zucua hna hi kan rak rawn hna ah cun a tharte an rak si; sihmanhsehlaw, zohhmanh u, atu an kak dih cang; cun hi kan hnipuan hna le kan kedan hna hi kan ratnak lam a hlat tuk caah an ṭet dih cang,” tiah an ti.

BIACEIHTU 1:1

Joshua a thih hnuah Israel mi nih Bawipa kha an hal i, “Kanaan mi hna kha doh awkah ahodah kan caah a hmasa bik ah a kal lai?” tiah an ti.

BIACEIHTU 20:18

Israel mi cu an tho i Bethel ah an hung kal i Pathian kha an hal, “Kannih lakah hin ahodah Benjamin doh awkah a kal hmasa bik lai?” an ti. Cun Bawipa nih, “Judah a hung kal hmasa bik lai,” a ti.

BIACEIHTU 20:28

Aaron fapa Eleazar i fapa Phinehas nih khi caan lioah a hmaiah rian a ṭuan) annih nih, “Kan unau Benjamin mi hna kha doh awkah kan chuak rih lai maw, asiloah kan ngol lai dah?” tiah an ti. Cun Bawipa nih, “Hung kal u; zeitintiah thaizing ah cun annih cu nan kut chungah kan pek hna lai,” a ti.

1 SAMUEL 22:10

Bawipa kha a halpiak i rawl kha a pek i Filistin mi Goliath nam kha a pek,” tiah a ti.