JOSHUA 9:11 - Lai (Hakha) Common Language Bible 2006

¹¹ Cun kan upa hna le kan ram minung vialte hna nih, ‘Lampi caah riahcaw i rawnh u law, va kal u law, va tong hna u, cun annih sinah, “Kannih cu nan sal kan si; ra u law, kanmah he biakamnak ser u,” tiah va ti hna u,’ tiah an kan ti.

JOSHUA 9:11 Iomraidhean Croise

GENESIS 43:12

Cun phaisa kha a let hnih in i phorh u, zeicahtiah nan sawngkhoi kaa i an chiah ṭhanmi tangka kha nan khirh ṭhan hna awk a si lai. An palh sual caah a si lai.

2 SIANGPAHRANG 10:5

Cucaah siangpahrang inn a zohkhenhtu le khua a zohkhenhtu hna nih khan upa hna le ngakchia zohkhenhtu hna he tiah Jehu cu bia an cah i, “Kannih cu na sal kan si ko, na kan fialmi paoh cu kan tuah lai. Ahohmanh siangpahrang ah kan ser hna lai lo; nangmah mit ah a ṭha na timi paoh kan cungah tuah ko,” tiah an ti.

ESTHER 8:17

Cun peng kip le khua kip ah khan, siangpahrang nawlbia le biakhiahnak a phaknak paoh ah Judah mi hna caah cun lawmhnak le thanuamnak a um i rawldanghnak an tuah i i dinh ni kha an ser. Cun Judah mi ṭihnak kha an cungah a tlun caah cuka ram mi miphun hna chung cun mi tampi nih Judah mi ka si tiah an i ti.

LUKA 9:3

Annih cu a thawh hna i, “Atu khual nan tlawn lainak ding caah hin zeihmanh i phorh hlah u: ṭhiangṭhunh siseh, zal siseh, riahcaw siseh, tangka siseh, angki khethuan siseh, zeihmanh i phorh hlah u.

JOSHUA 1:11

“Riahhmun chungah khan i chawk u law, mi zapi kha, ‘Riahcaw i tim tuah u; zeitintiah ni thum chungah, Bawipa nan Pathian nih co awkah an pekmi hna ram cu va co awkah hi Jordan hi nan tan lai,’ tiah chim hna u,” tiah nawl a pek hna.

JOSHUA 9:10

Amor mi hna siangpahrang pahnih Jordan tiva ral i a ummi, Heshbon siangpahrang Sihon le Bashan siangpahrang Og, Ashtaroth ah a ummi hna cung i a tuahmi vialte kha kan theih.

JOSHUA 9:12

Kan riahcaw ca i kan changreu hna hi, nannih sin rat awk i kan inn in kan i thawh ni ah cun a lumte an si, sihmanhsehlaw atu cu, zohhmanh u, an car dih i an buar dih cang;

JOSHUA 9:8

Annih nih Joshua sinah, “Na sal kan si ko hi ta,” tiah an ti. Cun Joshua nih annih cu, “Ahodah nan si, cun khuazei in dah nan rat?” tiah a ti hna.