JOSHUA 8:8 - Lai (Hakha) Common Language Bible 2006

⁸ Cun khua kha nan lak tikah Bawipa fialnak bangin nan tuah lai, khua cu mei in nan khangh lai; zohhmanh u, nawl kan pek hna hi,” a ti.

JOSHUA 8:8 Iomraidhean Croise

2 SAMUEL 13:28

Cun Absalom nih khan a sinum hna cu nawl a pek hna i, “Amnon kha zu nih a lung a lawmhter tikah, i chingchiah u law, ‘Amnon kha tu u,’ kan ti hna tikah that u. Ṭih hlah u, keimah nih nawl kan pek hna a si lo mei? Nan ral ṭha u law nan lung ṭhawng ko u,” tiah a ti.

DEUTERONOMI 20:16

Sihmanhsehlaw Bawipa nan Pathian nih ro caah an pekmi hna, hi miphun hna khua chung tu ah hin cun, thaw a chuahmi zeihmanh a nung in nan zuah lai lo,

JOSHUA 1:16

Cun Joshua cu an leh i, “Nawl na kan pekmi paohpaoh cu kan tuah lai i khuazei hmanh ah na kan thlahnak paoh ah kan kal lai.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.

JOSHUA 6:24

Cun khua cu mei in an khangh, a chung i a ummi thil vialte he; sui le ngun, thir le dar umkheng belte Bawipa inn chawva sinah an chiah hna.

JOSHUA 8:13

Cuticun ralkap cu an chiah hna, riahhmunpi cu khua in chaklei ah, hnulei ralveng cu khua in nitlaklei ah. Sihmanhsehlaw Joshua kha cu zan cu nelrawn ah cun a riak.

JOSHUA 8:2

cun Ai khua le a siangpahrang cungah Jeriko khua le a siangpahrang cung i na tuah bantuk khan na tuah lai; a hranchaw le a saṭil hna cu nanmah ca i hranchaw ah nan i lak hna lai; khua cu a hnulei in lamhruang va at u,” tiah a ti.

JOSHUA 8:22

Cun a dang hna nih khan khua lei khan an hun fuh hna; cucaah annih cu Israel mi nih an karceh hna, hi lei ah a cheu, khi lei ah a cheu; cun Israel mi nih an thah hna, pakhat hmanh a nungmi siseh a luatmi siseh an um lo.

JOSHUA 8:28

Cucaah Joshua nih Ai cu a khangh i nihin ni tiangah a si bangin, a rawkmi thil pon ah a ser.

JOSHUA 8:7

khi tikah nan lamhruang ahnak khan nan tho lai i khua cu nan tlaih lai; zeitintiah Bawipa nan Pathian nih nan kut chungah an pek hna lai.

JOSHUA 8:9

Cuticun Joshua nih a thlah hna i lamhruang ahnak hmun ah khan an kal i Ai in nitlaklei Ai le Bethel karlak ah khan an um; sihmanhsehlaw cu zan cu Joshua cu mi zapi sinah khan a um.

BIACEIHTU 4:6

Mi a hei thlah hna i Abinoam fapa Barak kha, Naftali ram Kedesh khua in a auh i, “Bawipa, Israel Pathian nih nangmah cu, ‘Va kal law, Tabor Tlang ah na mi hna cu va pum hna, Naftali phun le Zebulun phun chungin thong hra va la hna,