JOSHUA 8:31 - Lai (Hakha) Common Language Bible 2006

³¹ Bawipa, sal Moses nih Israel mi nawl a pek hna bang khan, Moses phungbia cauk chung i, “remh lomi lung in sermi biakṭheng ahohmanh nih thir hreihriam in tawngh lomi,” tiin aa ṭial bang khan a ser. Cun cu cungah cun Bawipa, sinah khangh thawinak an pek i daihnak thawinak an thawi.

JOSHUA 8:31 Iomraidhean Croise

2 SIANGPAHRANG 14:6

Sihmanhsehlaw Moses phungbia cauk ah, “Pale hna cu fale can ah thah an si lai lo i fale hna zong pale can ah thah an si lai lo, sihmanhsehlaw mah le sualnak ruang cio ah thah an si lai,” tiah Bawipa nawlbia pekmi aa ṭial bantuk khan, lainawngtu hna an fale cu a that hna lo.

2 SIANGPAHRANG 22:8

Cun tlangbawi ngan Hilkiah nih caṭialtu Shafan kha, “Bawipa inn chungah phungbia cauk kha ka hmuh,” tiah a rak chimh. Cun Hilkiah nih cauk cu Shafan kha a pek i a rel.

2 CHANRELNAK 25:4

Sihmanhsehlaw Moses cauk chung i phungbia ah aa ṭialmi chung i, “Pale hna cu fale can ah thah an si lai lo i fale hna zong pale can ah thah an si lai lo, sihmanhsehlaw mahle sualnak ruang cio ah ahohmanh thah an si lai,” tiin Bawipa nawl pekmi ning khan, an fale cu a that hna lo.

2 CHANRELNAK 35:12

Moses cauk chungah aa ṭial bangin, Bawipa sin i pekchanh awkah, mi sawhsawh pawl cu an pale innchungkhar ning in ṭhenmi bu ning khan phawt cio awkah, khangh thawinak hna kha cu a dang tein an chiah hna. Cu bantuk ṭhiamṭhiam in cawtum zong kha an tuah hna.

EZRA 6:18

cun Moses cauk chungah aa ṭial bangkhan, tlangbawi hna cu an i cheu ningin, Levi mi hna cu an phu an phu in, Jerusalem i Pathian rianṭuan awkah khan an thiah hna.

NEHEMIAH 13:1

Khi ni ah khan mi zapi hmaiah cun Moses cauk chung khan an rel tikah Ammon mi hna le Moab mi hna cu ahohmanh, Pathian mi aa pummi hna chungah an luh awk a si lai lo, tiah aa ṭial kha an hmuh;

EXODUS 18:12

Cun Jethro nih cun Pathian caah raithawi awk a hun i phorhmi le khanghthawinak a hun i phorhmi cu an thawi hna i Aaron le Israel mi hruaitu pawl vialte cu Moses pu sinah cun an ra i Pathian hmaika ah rawl kha an ei ṭi hna.

EXODUS 24:5

Cun Israel mi tlangval kha a thlah hna i khangh thawinak kha an tuah i hawikomhnak thawinak caah Bawipa kha cawtum an thahpiak.

MATTHAI 12:26

Cucaah Satan pennak chungah hin bu khat le bu khat an i doh ahcun cu pennak cu aa ṭhen dih cang a si ko caah tuan te ah a rawk ko lai.

DEUTERONOMI 27:2

Cun Bawipa nih an pekmi hna ram i va luh awkah Jordan tiva nan tan ni ah, lung ngan pipi kha nan phun hna lai i lung senghnak nan nalh hna lai;

DEUTERONOMI 27:8

Cun cu lung hna cungah cun hi nawlbia cu tliang tein nan ṭial lai,” tiah an ti.

JOSHUA 1:8

Hi phungbia cauk nih hin na kaa kha chuahtak hlah seh; sihmanhsehlaw a chungah aa ṭialmi vialte ningin tuah awkah ralring tein na um nakhnga, chunzan in mah cucu na ruat lai; zeitintiah khi tikah na lam kha na tluanter lai i khi tikah khua awng na tong lai.