JOSHUA 8:29 - Lai (Hakha) Common Language Bible 2006

²⁹ Cun Ai khua siangpahrang cu thingkung cungah zanlei tiang a thlai; cun ni a tlak zuahmah tikah Joshua nih nawl a pek hna i thingkung cung cun a pum cu an ṭhumh i khua hauka luhnak ah cun an hlonh i, a cungah lungpon nganpi an pumh; cucu nihin ni tiang hin a um ko.

JOSHUA 8:29 Iomraidhean Croise

2 SAMUEL 18:17

Cun Absalom kha an lak i tupi chung i khor nganpi pakhat ah an thlak i a cungah cun lungpumh nganpi pakhat an pumh; cun Israel mi vialte cu anmah le an inn cio ah khan an zam dih.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

SALM 107:40

anmah a hremtu hna kha ningzahnak a phakter hna i sul le lam a um lonak thetse ram ah khan a vaihter hna.

SALM 110:5

Bawipa cu na orhlei kamah a um ko; a thin a hun ni ah siangpahrang kha a tei hna lai.

JOHAN 19:31

Cu ni cu Cawnningani a si. Judah mi nih cun an thahmi hna cu Sabbath ni i vailam tahnak i an i thlai ko kha an duh lo, cu Sabbath cu a thiang khunmi sabbath a si fawn. Cucaah Pilat sinah khan an va kal i hi hna hi an ke ruh kan den hna lai i vailam cungin kan ṭhumh hna lai, tiah a nawl an va hal.

LAMKALTU 12:23

Herod nih Pathian kha upatnak a pek lo caah Bawipa vancungmi nih chikkhatte ah a vun tuk. Amah cu tholung nih an ei i a thi.

JOSHUA 10:30

cun Bawipa nih cu khua cu an siangpahrang he tiah Israel mi kut chungah a pek hna; cu khua cu a chung i a ummi vialte he vainam in a sam dih hna; pakhat hmanh a zuah hna lo; Jeriko siangpahrang cungah a tuah bang khan an siangpahrang cungah cun a tuah.

JOSHUA 10:33

Cun Gezer siangpahrang Horam cu Lakhish bawmh awkah a hung kal i, Joshua nih amah he a mi hna he, pakhat hmanh taang lo tiangin, a thah hna.

JOSHUA 12:9

Jeriko siangpahrang, pakhat; Bethel pawngah a ummi Ai siangpahrang, pakhat;

JOSHUA 7:26

Cun nihin tiangin a ummi lungpumh nganpi pakhat a cungah cun an pumh; cun Bawipa cu a kangh in a kangmi a thinhunnak cun aa mer. Cucaah cun nihin tiangin cu ka hmun cu Akhor Nelrawn tiah ti a si.

JOSHUA 8:23

Sihmanhsehlaw Ai siangpahrang cu a nung in an lak i Joshua sinah an ratpi.