JOSHUA 8:2 - Lai (Hakha) Common Language Bible 2006

² cun Ai khua le a siangpahrang cungah Jeriko khua le a siangpahrang cung i na tuah bantuk khan na tuah lai; a hranchaw le a saṭil hna cu nanmah ca i hranchaw ah nan i lak hna lai; khua cu a hnulei in lamhruang va at u,” tiah a ti.

JOSHUA 8:2 Iomraidhean Croise

2 CHANRELNAK 13:13

Jeroboam nih lamhruang ortu, an hnulei in a hun chuah hnawhtu ding hna kha a thlah hna; cucaah a ralkapbu hna cu Judah mi hna hmaiah an um i lamhruang ortu hna cu an hnulei in an um.

2 CHANRELNAK 20:22

Cun annih nih hlasak le thangṭhat kha an thawk tikah Bawipa nih Ammon, Moab le Seir Tlang mi, Judah tuk awk i a rami hna kha lamhruang a ahter hna i cucaah an sung dih.

SALM 39:6

thlahawm menmen an si ko. An tuahmi vialte hi pakpalawng an si dih; chaw le va kha heh tiah an khon, sihmanhsehlaw a cotu ding cu aho an si kha an hngal lo.

PHUNGTHLÛKBIA 13:22

Miṭha nih cun an fa fa chin tiangin ro an chiahpiak hna, sihmanhsehlaw misual mi nih an pumh luaimaimi chawva cu miding hna sinah a kal ko lai.

PHUNGTHLÛKBIA 28:20

Zumh awk tlakmi cu thluachuahnak tampi a hmu lai, sihmanhsehlaw khulrang in rum aa zuammi cu dantatnak hmu loin a um lai lo.

JEREMIAH 17:11

Dinlonak in chawva a ngei luaimaimi cu Amah ti a si lomi ti a bu chungah a tlummi vaking bantuk a si, A chan ṭim hlanah a chawva cu a kaltak ko hna lai i A donghnak ah cun mihrut a si kha amah nih a langhter ko lai.

JEREMIAH 51:12

Babilon kha tu cang u, tiah hmelchunhnak alan thlai cang u. Ralvengtu kha chap hna u, sentari kha chia hna u, lamhruang attu dingmi kha chia hna u!” an ti. Bawipa nih tuah a timhmi kha a tuah cang i Babilon mi hna cungah ka tuah lai tiah a timi kha a tuah cang.

DEUTERONOMI 2:35

caw le kan lakmi khua hna thil lawng kanmah ca i hranchaw ah kan i lak hna.

DEUTERONOMI 20:14

sihmanhsehlaw nu le ngakchia le saṭil le khua chung i a ummi thil dang zeipaoh, cun a hranchaw vialte zong cu nan ca i hranchaw ah nan i lak hna lai; cun Bawipa nan Pathian nih an pekmi hna nan ral hna hranchaw cun nan i cenh lai.

DEUTERONOMI 3:2

Sihmanhsehlaw Bawipa nih a ka chawnh i, ‘Amah cu ṭih hlah, zeitintiah amah le a mi vialte hna le a ram cu na kut chungah kan pek cang i Amor miphun siangpahrang Sihon, Heshbon i a ummi cung i na tuah bantuk khan, amah cungah na tuah ve lai,’ tiah a ti.

JOSHUA 10:1

Jerusalem siangpahrang Adonizedek nih zeitindah Joshua nih Ai kha a lak i Ai khua le a siangpahrang cu Jeriko le a siangpahrang a tuah hna bantukin a hrawh cikcek i, zeitindah Gibeon khuami hna nih Israel mi he remnak an ser i an lakah an um kha a theih tikah a thin a phang ngaingai,

JOSHUA 10:28

Cun khi ni ah Joshua nih Makkedah cu a lak i cu khua le a siangpahrang cu vainam in a sam dih hna; a chung i a ummi paohpaoh cu a thah dih hna, pakhat hmanh a zuah hna lo; cun Jeriko siangpahrang cungah a tuah bang khan Makkedah siangpahrang cungah cun a tuah.

JOSHUA 11:14

Cun hi khua hranchaw vialte hna le saṭil hna cu Israel mi nih hranchaw ah an i lak dih; sihmanhsehlaw mi cu an hrawh dih hna hlantiang nam in an thah hna i thaw a chuahmi pakhat hmanh an ngan ta hna lo.

JOSHUA 6:21

Cun khua chungah a ummi vialte cu, nu he pa he, tar he no he, cawtum, tuu le laa he tiah vainam in an sam dih cikcek hna.

JOSHUA 8:12

Cun pa thong nga tluk a lak hna i Bethel le Ai karlak ah, khua in nitlaklei ah cun, lamhruang a ahter hna.

JOSHUA 8:14

Cun Ai khua siangpahrang nih mah hihi a hmuh tikah amah le a mi vialte, khua chung i a ummi pa hna cu, khulrang in zingka tein Arabah lei i vung zuanchuknak ah khan Israel mi cu raldohnak hmun i ton awkah an kal; sihmanhsehlaw amah dohtu ah khua hnulei ah lamhruang attu an um ti kha a hngal lo.

JOSHUA 8:19

Lamhruang attu hna nih khan khulrang tein an umnak khan an tho i a kut a samh cangka an tli i khua chungah an lut i an lak; cun khua cu mei in khangh awkah an i hnawhnam.

JOSHUA 8:24

Israel mi nih an va dawi hna i pakhat hmanh an taan lo tiangin vainam in an va thahnak hna ramlak hmun ah khan Ai khuami cu an sam dih cikcek hna tikah, Israel mi vialte nih Ai khua ah khan an kir i vainam in an sam dih.

JOSHUA 8:3

Cucaah Ai i hung kal awkah Joshua le ralkap vialte cu an tho; cun Joshua nih ralṭhami miṭhawng sang thum a thim hna i zan ah a thlah hna.

JOSHUA 8:7

khi tikah nan lamhruang ahnak khan nan tho lai i khua cu nan tlaih lai; zeitintiah Bawipa nan Pathian nih nan kut chungah an pek hna lai.

JOSHUA 8:8

Cun khua kha nan lak tikah Bawipa fialnak bangin nan tuah lai, khua cu mei in nan khangh lai; zohhmanh u, nawl kan pek hna hi,” a ti.

JOSHUA 8:9

Cuticun Joshua nih a thlah hna i lamhruang ahnak hmun ah khan an kal i Ai in nitlaklei Ai le Bethel karlak ah khan an um; sihmanhsehlaw cu zan cu Joshua cu mi zapi sinah khan a um.

JOSHUA 9:3

Sihmanhsehlaw Gibeon khuami hna nih Joshua nih Jeriko le Ai cungah a tuahmi kha an theih tikah,