JOSHUA 8:16 - Lai (Hakha) Common Language Bible 2006

¹⁶ Cucaah khua chungah a ummi vialte cu anmah dawi awkah hmunkhat ah an kawh hna i Joshua cu an dawi i khua cun a hlatnak ah an lem hna.

JOSHUA 8:16 Iomraidhean Croise

SALM 9:16

Ding tein bia a ceihnak ah khan Bawipa cu amah le amah aa phuang i miṭhalo hna cu anmah tuahnak lila ah khan an i foih. Higgaion. Selah

JOSHUA 8:17

Ai ah siseh Bethel ah siseh, Israel dawi awkah a kal lomi ahohmanh an um lo; khua cu khar loin an kaltak i Israel mi cu an dawi hna.

BIAPHUAN 16:14

Annih cu khuachia thlarau, khuaruahharnak a tuah khomi kha an si. Cu thlarau pathum hna cu vawleicung khuazakip ah khan an kal i vawleicung siangpahrang vialte kha an pumh hna. Cu bantukin hmunkhat ah an pumh hna cu, Lianngan Bik Pathian ni lianngan ni ah pakhat le pakhat i do hna seh ti caah a si.

BIACEIHTU 20:31

Cun Benjamin mi hna nih mi cu an chuahhnawh hna i khua lengah an va lan; cun voi dang bantuk khan mi cu thah hram an thawk hna, lam hna le ramlak ah Israel mi sawm thum tluk an thah hna. Lam pakhat cu Bethel ah a hung kalmi a si i a dang cu Gibeah ah a kalmi a si.