JOSHUA 7:24 - Lai (Hakha) Common Language Bible 2006

²⁴ Cun Joshua le Israel mi vialte nih Zerah fapa Akhan cu le ngun cu le puan cu le sui tlang cu le a fapa hna le a fanu hna le, a cawtum hna le a laa hna le a tuu hna le a thlam le a ngeihmi vialte cu an lak hna i Akhor Nelrawn ah an hun kalpi hna.

JOSHUA 7:24 Iomraidhean Croise

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

JOB 20:15

Rumnak cu a dolh i a luak ṭhan, Pathian nih a paw chungin a chuah ṭhan.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

PHUNGTHLÛKBIA 15:27

A hak a kaumi nih a innchungkhar cungah harnak a tlunter, sihmanhsehlaw nawhthuh a duh lomi cu saupi a nung lai.

PHUNGCHIMTU 5:13

Mah hihi thil ṭhalo ngai a si, sihmanhsehlaw vawlei cungah hin ka hmuh cangmi a si: mi nih hin an tangka hi an herh caan caah an khon tawn,

ISAIAH 65:10

Keimah cu an ka biak lai i nitlaklei ah Sharon Nelrawn ah an tuurun le an cawrun kha an tlonter hna lai i nichuahlei ah Harnak Nel timi ah khan an tlonter hna lai.

HOSEA 2:15

Khika ah a mitsur dum cu ka pek ṭhan lai, Harnak Horkuang cu Ruahchannak Kutka ah ka ser lai i Izipt ram in a chuah i a no lio bantuk khan khika ah a ka leh lai.

JOSHUA 15:7

cun ramri cu Akhor nelrawn in Debir tiang a hung kai; cuticun chaklei ah a kal, cun nelrawn thlanglei kamah a ummi Adummim i hung kainak ralchan i a ummi Gilgal leiah aa mer; cun ramri cu En-shemesh ti tiang a lan i En-rogel ah a dong;

JOSHUA 22:20

Pekchanhmi thil kongah khan Zerah fapa Akhan cu zumhawktlak loin a um i Israel mibu dihlak cungah thinhunnak a tla a si lo mei? Cun a ṭhat lonak ruangah amah lawng kha a thi lo,’ an ti,” tiah an ti.

JOSHUA 6:18

Sihmanhsehlaw hrawh awkah pekchanh ciami thil kha nannih nih nan ulh hna lai, cu ti a si lo ahcun, nannih nih nan pekchanh hna tikah khan pekchanhmi thil pakhatkhat kha nan lak sual hnga i Israel riahhmun cu hrawh awk ca thil ah nan ser hnga i a cungah harnak nan tlunter sual hnga.

JOSHUA 6:21

Cun khua chungah a ummi vialte cu, nu he pa he, tar he no he, cawtum, tuu le laa he tiah vainam in an sam dih cikcek hna.

JOSHUA 7:1

Sihmanhsehlaw pekchanhmi thil kongah cun Israel mi cu zumhawktlak loin an um ai; zeitintiah Judah phun chungmi Zerah fapa Zabdi fapa Karmi fapa Akhan nih pekchanhmi thil cu tlawmpal a lak i Bawipa thinhunnak cu Israel mi cungah a alh.

JOSHUA 7:23

Cun thlam chung cun an lak hna i Joshua le Israel mi vialte sinah an ratpi; cun Bawipa hmaiah an chiah hna.

JOSHUA 7:26

Cun nihin tiangin a ummi lungpumh nganpi pakhat a cungah cun an pumh; cun Bawipa cu a kangh in a kangmi a thinhunnak cun aa mer. Cucaah cun nihin tiangin cu ka hmun cu Akhor Nelrawn tiah ti a si.