JOSHUA 6:4 - Lai (Hakha) Common Language Bible 2006

⁴ Cun tlangbawi pasarih nih tuukawng ki muko pasarih kuang hmaiah cun an i put lai; cun ni sarihnak ni ah cun khua cu voi sarih nan vel lai, tlangbawi nih muko cu an tum hna lai.

JOSHUA 6:4 Iomraidhean Croise

GENESIS 2:3

Ni sarih ni cu thluachuah a pek i a dang tein a chiah, zeicahtiah cu ni cu a thil ser a lim i rianṭuan loin a um ni kha a si.

1 SIANGPAHRANG 18:43

Cun a sinum cu a thawh i, “Hung kal law rili lei kha hung cuan tuah,” tiah a ti. Cun a hung kal i a hung zoh i, “Zeihmanh a um lo,” tiah a ti. Cun, “Voi sarih in hung kal ṭhan tuah,” tiah a ti.

2 SIANGPAHRANG 5:10

Cun Elisha nih cun a sinah lamkal pakhat a hei thlah i, “Va kal law Jordan tiva ah voi sarih in vaa kholh, cun na titsa cu a dam lai i na thiang lai,” tiah a ti.

2 SIANGPAHRANG 5:14

Cucaah Pathian mi bia bangkhan a vung kal i Jordan tiva chungah voi sarih a vung i hnim i cun a titsa cu a dam i ngakchia note titsa bantuk a si i amah cu a thiang.

2 CHANRELNAK 13:12

Zohhmanh u, kan hmaisuang ah Pathian cu a um i nannih doh awk i thawng thanhtu ah tlangbawi hna cu an raldohnak muko he an um. Maw Israel fale hna, Bawipa nan pupa hna Pathian cu doh hlah u, zeitintiah nan hlawhtling lai lo,” tiah a ti.

2 CHANRELNAK 20:17

Hi i tuknak chungah hin nannih nih nan tuk a hau lai lo; nan um hmun kha i tlaih u law dai tein dir ko u law nanmah ca i Bawipa nih teinak an tuahpiakmi hna kha zoh ko u, maw Judah le Jerusalem hna,’ a ti. Nan thinphang hlah u, nan lungdong hlah u; thaizing ah chuahhnawh hna u law Bawipa cu nan sinah a um lai,” tiah a ti.

2 CHANRELNAK 20:19

Cun Levi mi Kohath pawl hna le Korah pawl hna kha Bawipa, Israel Pathian cu aw thang piin thangṭhat awkah an dir.

2 CHANRELNAK 20:21

Cun mizapi kha ruahnak a hal hna hnuah, puan thiang i aih in ralkapbu hmai i an kal pah ah: “Bawipa sinah lawmhnak bia chim tuah u, Zeitintiah a fekmi a dawtnak cu zungzal in a hmun,” tiin a titu ding, Bawipa sinah thangṭhatnak hla a satu ding le amah cu a hlorhtu ding kha a thiah hna.

JOB 42:8

Cucaah cawtum pasarih le tuukawng pasarih in i lak hna u law ka sal Job sinah va kal u law nan caah khangh thawinak va pechan u; cun ka sal Job nih thla an campiak hna lai, zeicahtiah ka sal Job nih ka kong ah a dikmi bia a chim bantukin nannih nih nan chim lo ruangah nan hruhnak bantukin nan cungah ka tuah nakhnga lo amah thlacamnak cu ka cohlan lai,” tiah a ti.

ISAIAH 27:13

Cu ni a phak tikah, Assiria ram le Izipt ram i sal ah a tangmi Israel mi vialte kha muko in a kawh hna lai. An ra lai i Bawipa cu Jerusalem khua chungah, a tlang thiang cungah khan an biak lai.

LEVITIKAS 14:16

cun a kehlei kut zapei kuar i a ummi chiti cu a orhlei kutdong in a tawh lai i chiti cu tlawmpal in Bawipa hmaiah voi sarih a theh lai.

LEVITIKAS 4:6

thi chungah cun tlangbawi nih a kutdong a hnim lai i hmunthiang puanzar hmai Bawipa hmaika ah cun thi cu tlawmpal in voi sarih a theh lai.

ZEKHARIAH 4:2

“Zeidah na hmuh?” tiah a ka hal i, “Sui in sermi meiinn tung pakhat,” ka ti. “Cu meiinn tung cu a lu ah chiti chiahnak kheng pakhat a um. Cun meiinn tung ah cun meiinn pasarih an um i pakhat nih meica pasarih cio an ngei.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

JOSHUA 6:13

Cun tlangbawi pasarih Bawipa hmai i tuukawng ki muko pasarih aa putmi hna kha muko hna cu tum pah lengmang in an kal; cun ralthuam in aa thuammi kha an hmaiah an kal i hnulei ralveng hna cu Bawipa kuang hnulei in an ra, tlangbawi hna nih an kalpah in muko cu an tum lengmang.

JOSHUA 6:3

Khua cu nan vel lai, ralkap vialte nih chel khat an vel lai. Cu bantukin ni ruk nan tuah lai.

JOSHUA 6:5

Cun tuukawng ki cu an tum vuaimai tikah, muko aw thawng cu nan theih cangka in mi vialte cu fak piin nan au lai; cun khua kulhnak ralhau cu a tlu lai i mi zapi cu anmah le an hmai zawn cio ah khan ding tein an kal lai,” tiah a ti.

BIAPHUAN 1:20

Ka orhlei kut i na hmuhmi arfi pasarih hna le sui mei vannak pasarih hna an sullam biathli cu hihi a si: arfi pasarih hi Khrihfabu hna i an vancungmi kha an si i mei vannak pasarih hna hi Khrihfabu pasarih hna kha an si,” tiah a ti.

BIAPHUAN 1:4

Asia peng chung i a ummi Khrihfabu pasarih kha Johan nih bia kan cah hna: Atu i a um liomi le a rak um cangmi le a um lai ding a simi Pathian le a bawiṭhutdan hmai i a ummi thlarau pasarih le Jesuh Khrih nih vel le daihnak in pe ko hna seh.

BIAPHUAN 10:3

cun a au ciammam i a aw cu chiandeih run aw bantuk a si. Cu ti a au dih cun, khuari pasarih nih an hun leh.

BIAPHUAN 15:1

Cun van ah khin khuaruahhar le lianngan ngai a simi hmelchunhnak a dang pakhat ka hmuh ṭhan. Vancungmi pasarih, hremnak pasarih aa putmi kha ka hmuh hna i cu hremnak cu a hmanung bik an si cang, zeicahtiah Pathian thinhun phuannak a donghnak an si.

BIAPHUAN 15:7

Cun saram nung pali hna lak i pakhat nih khan vancungmi pasarih hna cu, zungzal in zungzal tiang a nungmi Pathian thinhunnak in a khatmi sui kanto pasarih kha a pek hna.

BIAPHUAN 16:1

Cun biakinn khan aw thangpi pakhat nih vancungmi pasarih hna cu, “Va kal u law Pathian thinhunnak kanto pasarih kha vawlei ah va thle hna u,” tiah a ti thawng kha ka theih.

BIAPHUAN 5:1

Bawiṭhutdan cung i a ṭhumi nih cun cazual pakhat a orhlei kut in aa put kha ka hmuh i cu cazual cu a chunglei he a lenglei he aa ṭial dih i cakhenh pasarih in an khenh chih.

BIAPHUAN 5:6

Cun Tuufa pakhat, bawiṭhutdan laifang ah a dir i saram nung pali hna le upa hna nih an kulh kha ka hmuh. Tuufa cu an rak thahmi si dawh a si. Ki pasarih le mit pasarih a ngei i a mit pasarih cu Pathian nih vawlei cung khuazakip ah a thlahmi Pathian thlarau pasarih kha an si.

BIAPHUAN 8:2

Cun Pathian hmaiah a dirmi vancungmi pasarih kha ka hmuh hna i muko pasarih an pek hna.

BIAPHUAN 8:6

Cun vancungmi pasarih hna nih khan an muko pasarih cu tum awkah an i tim.