JOSHUA 6:24 - Lai (Hakha) Common Language Bible 2006

²⁴ Cun khua cu mei in an khangh, a chung i a ummi thil vialte he; sui le ngun, thir le dar umkheng belte Bawipa inn chawva sinah an chiah hna.

JOSHUA 6:24 Iomraidhean Croise

2 SAMUEL 10:5

Mah cucu David kha an chimh tikah anmah don awkah mi a hei thlah hna; zeitintiah an ning a zak ngaingai ko. Cun siangpahrang nih cun, “Nan khahmul a corh ṭhan hlan tiang Jeriko khua ah cam ko u, cun nan ra kir ṭhan te lai,” tiah a ti hna.

2 SIANGPAHRANG 25:9

Cun Bawipa inn le siangpahrang inn le Jerusalem khua chung inn vialte kha a khangh dih hna; inn ngan paohpaoh kha cu a khangh dih hna.

1 CHANRELNAK 18:11

mah thil hna zong cu Siangpahrang David nih a teimi miphun vialte hna, Edom, Moab, Ammon mi hna, Filistin mi hna le Amalek sinin lakmi sui le ngun hna he khan hmunkhat ah Bawipa sinah a pekchanh hna.

NAMBAR 31:10

An umnak hmun i an khua vialte hna le an riahnak hmun vialte hna cu mei in an khangh i

DEUTERONOMI 13:16

Cun a hranchaw vialte cu khualai tual laifang ah nan pumh hna lai i, a khua le a hranchaw vialte cu Bawipa nan Pathian sin i pum khangh thawinak caah mei in nan khangh lai; vawlei bo men a si zungzal cang lai, sak ṭhan a si ti lai lo.

DEUTERONOMI 13:17

A zarhmi thil vialte cu pakhat hmanh nan kut in nan tawng lai lo; zeitintiah Bawipa nan Pathian aw cu nan ngaih i nihin ah kan pekmi hna a nawlbia vialte nan zulh i Bawipa nan Pathian mithmuh ah a dikmi kha nan tuah ahcun,

DEUTERONOMI 20:16

Sihmanhsehlaw Bawipa nan Pathian nih ro caah an pekmi hna, hi miphun hna khua chung tu ah hin cun, thaw a chuahmi zeihmanh a nung in nan zuah lai lo,

JOSHUA 11:11

A chungah a ummi vialte cu vainam in an thah dih hna i an hrawh cikcek hna; thaw a chuahmi pakhat hmanh an zuah lo; Hazor cu mei in a khangh.

JOSHUA 6:19

Sihmanhsehlaw sui le ngun vialte le thir le dar umkheng hna cu Bawipa ca thil thiang an si lai; Bawipa chawva chungah an lut ve lai,” tiah a ti

JOSHUA 6:25

Sihmanhsehlaw hlawhhlangnu Rahab le a pa innchungkhar le amah ta a simi vialte cu Joshua nih a nung in a zuah hna i, Joshua nih Jeriko ngiatthlai awkah a thlahmi lamkaltu hna kha a rak thuh hna caah Israel chungah nihin ni tiang hin a um.

JOSHUA 8:28

Cucaah Joshua nih Ai cu a khangh i nihin ni tiangah a si bangin, a rawkmi thil pon ah a ser.

BIAPHUAN 17:16

Ki pahra na hmuhmi le sahrang nih khan hlawhhlangnu kha an huat lai i a ngeihmi vialte kha an chuh dih lai i taklawng in an chiah lai; a sa kha an ei lai i amah cu mei in an khangh lai.

BIAPHUAN 18:8

Hi ruangah hin hremnak nih khan ni khatte ah an tlakphuat lai, rai le ngaihchiatnak le mangṭam nih khan a tlakphuat lai. Amah bia a ceihtu Bawipa Pathian cu a ṭhawngmi a si caah Amah cu mei in khangh a si lai,” a ti.