JOSHUA 6:23 - Lai (Hakha) Common Language Bible 2006

²³ Cucaah thlingthlatu a rak simi tlangval hna nih khan an va lut i Rahab le a pa le a nu le a ṭale hna le amah ta a simi vialte kha an chuahpi hna; cun a rualchan vialte kha an chuahpi hna i Israel riahhmun lengah an chiah hna.

JOSHUA 6:23 Iomraidhean Croise

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.

GENESIS 18:24

Khuapi chungah khan a sual lomi sawm nga um hna seh law na hrawh ṭhiamṭhiam ko lai maw? Sawm nga khamh awkah khan an khua cu na zuah hnga lo maw?

GENESIS 19:29

Asinain Pathian nih nelrawn chung ummi khua kha a hrawh hna tikah Abraham kha a philh lo i Lot kha himnak hmun ah a zamter.

NAMBAR 31:19

Riahhmun lengah ni sarih riak u; nannih lakah mi a thatmi paoh le miruak a tawngmi paoh nih nanmah le nan sal hna cu ni thumnak ni le ni sarihnak ni ah nan i thianh lai.

LAMKALTU 10:28

Annih cu a thawh hna i, “Judah mi cu Jentail mi he i len i kai awk le i komh i hawi awk kha an biaknak phung nih a onh hna lo ti cu nannih nih fiang tein nan hngalh. Sihmanhsehlaw mi zeihmanh kha a thur le a thianglo i ka ruah hna nakhnga lo Pathian nih a ka hmuhsak cang.

LAMKALTU 27:24

‘Paul, na thinphang hlah. Siangpahrang hmaika ah cun na dir ṭhiamṭhiam ko lai; cun Pathian nih amah ṭhatnak thawngin nangmah sinah a kalmi vialte an nunnak hi nangmah kha an pek,’ a ka ti.

1 KORIN 5:12

A ngaingai ti ahcun a lengmi cu kei nih an bia ka ceihpiak hna awk a si lo. Pathian nih a ceih ko hna lai. Asinain nan bu chung i a ummi cu an bia nan ceihpiak hna awk a si hnga lo maw? Cathiang nih pei, “Nan bu chungin mi ṭhalo kha va chuah u,” a ti kha.

EFESA 2:12

Kha lioah khan cun Khrih he nan rak i ṭhen. Ramdang mi nan rak si i Pathian thimmi hna chungah khan nan rak i tel lo. Pathian nih a mi hna sinah a tuahmi biakamnak cungah bunhmi biakamhmi chungah khan tinvo zeihmanh nan rak ngei lo. Hi vawleicung ah hin ruahchannak ngei lo le Pathian ngei loin khua nan rak sa.

HEBRU 11:31

Pathian nawl a ngai lomi hna sinah khan hlawhhlangnu Rahab cu a thi lo, kha a luattertu kha zumhnak a si i cucu mingiatu pawl a rak thuhphenh hna caah khan a si.

HEBRU 11:7

Noah kha, a hmuh khawh lomi hmailei thil kongah, Pathian nih ralrinnak a pek tikah, cu ralrinnak bia a theihtertu cu zumhnak a si. Pathian bia kha a ngaih i lawng pakhat a ser i cu chungah cun amah le a innchungkhar kha him tein an um. Cuticun a zumhnak khan vawleicung mi vialte cu, an palh, ti kha a langhter i zumhnak thawngin a rami dinnak kha Pathian sinin a hmuh.

JOSHUA 2:13

cun ka pa le ka nu, ka ṭale le ka unau hna le anmah ta a simi vialte cu nan khamh hna i kan nunnak kha thihnak chungin nan kan chuah naklai, Bawipa min in ka sinah chiatser tuah u,” tiah a ti.

JOSHUA 2:16

Cun anih nih, “An dawitu hna nih an in ton sualnak hna hnga lo, tlang ah hung kai u; cun an dawitu hna an kir hlantiang, ni thum in cuka ah cun hung i thup u; cu hnuah cun va lan te ko u,” tiah a ti hna.

JOSHUA 2:18

Zohhmanh, ram chungah kan rung luh tikah hi hri sen hi na kan chuahternak thlalangawng ah hin na rak hren lai, cun na inn chungah hin na pa le na nu, na ṭale le na pa innchungkhar vialte nan rak pumh hna lai.

BIACEIHTU 1:25

Cun khua chung luhnak lam cu a chimh hna; khua cu vainam in an sam cikcek, sihmanhsehlaw mipa le a innchungkhar vialte cu an thlah hna.