JOSHUA 6:18 - Lai (Hakha) Common Language Bible 2006

¹⁸ Sihmanhsehlaw hrawh awkah pekchanh ciami thil kha nannih nih nan ulh hna lai, cu ti a si lo ahcun, nannih nih nan pekchanh hna tikah khan pekchanhmi thil pakhatkhat kha nan lak sual hnga i Israel riahhmun cu hrawh awk ca thil ah nan ser hnga i a cungah harnak nan tlunter sual hnga.

JOSHUA 6:18 Iomraidhean Croise

2 SAMUEL 21:1

David caan lioah cun kum thum chung, aa peh lengmang in mangṭam a tlung i David nih Bawipa hmai kha a kawl. Cun Bawipa nih, “Saul le a innchungkhar cungah thisen chuah mawhnak a um caah a si; zeicahtiah Gibeon mi kha a thah hna,” tiah a ti.

PHUNGCHIMTU 9:18

Ral hriamnam nakin fimnak nih tam deuh a tuah khawh, sihmanhsehlaw palhnak pakhat nih ṭhatnak tampi kha a hrawh khawh.

JONAH 1:12

Cun annih cu a thawh hna i, “Ka tlai u law ka hlonh u law, rili cu a dai ko lai. Hi thlichia nih an cil hna hi keimah ruangah a si ti kha ka hngalh,” tiah a ti.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

EFESA 5:11

Santlai lomi thil, khuamui thil, mi nih an tuah tawnmi kha tuah ve hna hlah u.

DEUTERONOMI 13:17

A zarhmi thil vialte cu pakhat hmanh nan kut in nan tawng lai lo; zeitintiah Bawipa nan Pathian aw cu nan ngaih i nihin ah kan pekmi hna a nawlbia vialte nan zulh i Bawipa nan Pathian mithmuh ah a dikmi kha nan tuah ahcun,

DEUTERONOMI 23:10

Nan lakah ahohmanh zan i amah chungin thil a chuakmi ruangah thurhnawm in a um ahcun, riahhmun lengah a chuak lai, riahhmun chungah a rung lut lai lo,

DEUTERONOMI 7:26

Cun nan inn chungah thil fihnung nan luhpi lai lo; nan luhpi ahcun chiatserhmi nan si ve sual lai; nan fih hrimhrim lai i nan huat lai, zeitintiah mah cucu chiatserhmi thil a si.

JEIM 1:27

Sihmanhsehlaw nuhmei ngakṭah ṭha tein zohkhenh le vawlei cungah thurhnawm lo tein um tu hi Pathian kan Pa nih biaknak thiang le biaknak taktak i a ruahmi cu a si.

JOSHUA 7:1

Sihmanhsehlaw pekchanhmi thil kongah cun Israel mi cu zumhawktlak loin an um ai; zeitintiah Judah phun chungmi Zerah fapa Zabdi fapa Karmi fapa Akhan nih pekchanhmi thil cu tlawmpal a lak i Bawipa thinhunnak cu Israel mi cungah a alh.

JOSHUA 7:13

Tho law, mi zapi kha thianter hna, ‘Thaizing ah i thianh u, zeicahtiah Bawipa, Israel Pathian nih, “Maw Israel, nannih lakah pekchanhmi thil an um, nannih lak in cu pekchanhmi thil cu nan hlonh hna hlantiang nan ral hna hmaiah nan dir kho lai lo,” tiah hi bangin a ti,” tiah chim hna.

JOSHUA 7:15

Bawipa biakamnak cu a buar i Israel mi lakah ningzah awk a simi thil a tuah caah, pekchanhmi thil a rak lami cu, amah he a ngeihmi vialte he, mei in khangh a si lai,” tiah a ti.

JOSHUA 7:25

Cun Joshua nih, “Zeicahdah kan cungah harnak na tlunter? Nihin ah Bawipa nih na cungah harnak a tlunter ve,” tiah a ti. Cun Israel mi vialte nih lung in an cheh; mei in an khangh hna i lung in an cheh hna.

1JOHAN 5:21

Ka fale hna, pathian deu kha va hrial hna u.

1 SAMUEL 15:9

Sihmanhsehlaw Saul le mi hna nih khan Agag le tuu lak i a ṭha bik hna le cawtum lak i a ṭha bik hna le cenhmi saṭil thauthau hna lakin a ṭha bik hna le, tuufa hna le a ṭhami vialte kha an zuah hna i an hrawk cikcek duh hna lo; a ṭhalo le santlailo vialte lawng kha an hrawh cikcek hna.