JOSHUA 5:5 - Lai (Hakha) Common Language Bible 2006

⁵ A chuakmi pa vialte kha cuarpar tan an rak si nain, Izipt ram i an chuah hnu ramlak i lampi ah a chuakmi vialte hna tu kha cu cuarpar tan lo an si.

JOSHUA 5:5 Iomraidhean Croise

MATTHAI 12:7

Cathiang nih, ‘Ka duhmi cu sa in tuahmi thawinak hi si loin zaangfahnak a si,’ tiah a timi kha a sullam rak hngal u law cu, a sual lomi kha sual nan phaw hna hnga lo;

ROM 2:26

Cuarpar aa tan lomi Jentail mi nih Nawlbia kha a zulh ahcun, Pathian nih aa tan tluk ah a rel hnga lo maw?

1 KORIN 7:19

Zeicahtiah cuarpartan le tan lo cu zeihmanh an si lo. Biapi a simi cu Pathian nawl zulh kha a si.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

GALATI 6:15

Cuarpartan le tan lo cu biapi a si lo, biapi a simi cu, ser tharmi si hi a si.

JOSHUA 5:4

Cun mah hihi Joshua nih zei ruangah dah an cuarpar a tan hnanak cu a si: Izipt ram in a chuakmi pa vialte, ralkap vialte kha Izipt ram in an chuah hnuah ramlak ah khan lampi ah an thi dih.

JOSHUA 5:6

Bawipa aw kha an rak ngaih lo caah, an phun ningin, Izipt ram in a chuakmi ralkap vialte, an rawh dih hlantiang, Israel mi hna cu ramlak ah khan kum sawm li an rak vai; kannih pek awkah Bawipa nih kan pupa hna sinah chiat a sermi, cawhnuk le khuaihliti in a luangmi ram kha annih nih hmu lo dingin annih sinah Bawipa nih chiat a ser.