JOSHUA 5:14 - Lai (Hakha) Common Language Bible 2006

¹⁴ Cun anih nih, “Sihlah; sihmanhsehlaw Bawipa ralkapbu hruitu in ka ra,” tiah a ti. Cun Joshua cu vawlei ah a bawk i a biak i, “Ka bawipa nih a salpa a fialmi cu zeidah a si?” tiah a ti.

JOSHUA 5:14 Iomraidhean Croise

GENESIS 17:17

Abraham cu a khuk aa bil i asinain, “Mipa nih kum za khat a si ah fa a ngei kho ngai hnga maw? Sarah nih hin kum sawm kua ah fa cu a ngei ngai hnga maw?” ti a ruah ah a nih a chuak.

GENESIS 17:3

Cun Abram cu a khuk aa bil i a bawh lioah Pathian nih cun,

2 SAMUEL 7:19

Asinain mah hi cu nangmah mit ah cun maw Bawipa Pathian, a hmemi thil a si ko; caan saupi lio in na sal innchungkhar kong zong hi na rak chim chung cang i hmailei ciruang ding hna zong kha na ka hmuhsak cang, maw Bawipa Pathian!

2 SAMUEL 7:20

Cun David nih na sinah zei hlei dah a chim khawh ti lai? Zeitintiah, maw Bawipa Pathian, nangmah nih na sal cu na hngalh ko!

SALM 110:1

Bawipa nih siangpahrang ka Bawipa cu a thawh i, “Na ral cu na ke tangah ka chiah hna hlantiang, ka orhlei kamah hin ṭhu tuah,” tiah a ti.

SALM 24:10

A liannganmi siangpahrang cu ahodah a si? Amah cu ralkapbu Bawipa, a liannganmi siangpahrang kha a si! Selah a si! Selah

EXODUS 4:10

Moses nih Bawipa cu, “Bawipa, kei cu ka ngaithiam ko; zapi sin biachim a thiammi ka si bal lo i na ka chawnh hnu zongah hin ka thiam hlei ṭhiamṭhiam lo, Bawipa. Kei cu biachim holhrel a thiam lomi, mikahak, leichum ka-aa ka si,” a ti.

EXODUS 4:13

Sihmanhsehlaw Moses nih, “Bawipa, kei cu ka ngaithiam ko, midang tu thlah ko hna,” tiah a ti.

ISAIAH 55:4

Amah cu miphun tampi hruaitu le uktu ah ka ser i amah thawngin ka lianhngannak kha ka langhter.

ISAIAH 6:8

Cun Bawipa nih, “Ahodah ka fial lai? Ahodah ka lamkal a si lai?” a ti kha ka theih. Kei nih, “Keimah ka kal lai! Ka thlah tuah,” tiah ka leh.

EZEKIEL 3:23

Cucaah ka tho i nelrawn ah cun ka vung kal; khika ah cun Khebar tiva pawng i ka rak hmuh bantuk khan Bawipa sunparnak cu a rak um kha ka hmuh i ka bawk.

DANIEL 10:13

Sihmanhsehlaw Persia pennak a zohkhenhtu vancungmi nih khan ni kul le ni khat a ka kham. Cun Persia ram ah khan keimah lawngin kaltak ka si caah vancungmi bawi bik pakhat nih khan a ra ka bawmh.

DANIEL 12:1

Khi caan ah a nganmi vancungmi, na miphun a zohkhenhtu hna, Mikhael kha a hung chuak lai, Cun hi miphun nih miphun an si hramthawk in an tonmi harnak, harnak ṭhalo bik kha a tlung lai. Sihmanhsehlaw khi caan ah cun Pathian cauk chungah an min khumh a simi na mi hna cu an luat lai.

DANIEL 8:11

Vancung siangpahrang hmanh kha zeirello in a um i raithawinak an pek zungzal tawnmi kha a hrawh i hmunthiang chung biaknak zong kha a hrawh.

LEVITIKAS 9:24

Cun Bawipa hmaika in mei a hung chuak i biakṭheng cung i khangh thawinak le thau cu a kangh hna; cun mi vialte nih khan an hmuh tikah an au i an bawk.

NAMBAR 16:22

Cun an bawk i, “Maw Pathian, titsa vialte i thlarau hna Pathian, mi pakhat nih a sual caah, nangmah cu mi zapi vialte cungah hin na thin a hung lai maw?” tiah an ti.

NAMBAR 16:45

“Hi mibu chung hin va chuak tuah u, chikkhatte ah ka khangh dih hna nakhnga,” tiah a ti. Cun an bawk.

NAMBAR 22:31

Cu tikah Bawipa nih Balaam cu a mit a auter i, Bawipa vancungmi, vainam zuh cia a kut ah i put in, lamkalai ah a dir ko kha a hmuh, cun a lu a khun i a bawk.

MATTHAI 22:44

Bawipa nih ka Bawipa cu a thawh i, Na ral hna cu na ke tangah ka chiah hna hlantiang Ka orhlei kamah hin ṭhu tuah, tiah a ti, a ti cu.

MATTHAI 8:2

Cun thinghmuipa pakhat kha a ra i a hmaiah khuk bil in a kun i, “Bawipa, na duh ahcun na ka damter khawh ko,” tiah a ti.

LUKA 1:43

Zeicahdah ka Bawipa nu nih hin kei tehna hi na hung ka tlawn?

LUKA 20:42

Zeicahtiah David hrimhrim nih pei, ‘Bawipa nih ka Bawipa cu,

LUKA 5:12

Voi khat cu khua pakhat ah hin Jesuh cu a um i cuka ah cun thinghmui zawtnak nih a tuam in a tuammipa pakhat a rak um. Jesuh kha a hmuh tikah a hmaiah khan a bawk i, “Bawipa, na duh ahcun na ka thianter khawh,” tiah a nawl.

JOHAN 20:28

Thomas nih cun, “Ka Bawipa le ka Pathian,” tiah a ti.

LAMKALTU 9:6

Tho law khua chungah khan va lut tuah, khika ah na tuah awk hnga kha an rak in chimh lai,” tiah a ti.

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

HEBRU 2:10

Zeizong vialte a ser i a zohkhenhtu Pathian nih, a sunparnak i fa tampi phakter awkah, Jesuh cu harnak innak in mi tling ah a ser cu aa tlakmi thil hrimhrim a si, zeicahtiah Jesuh cu khamhnak ah a phakpitu hna a si.

JOSHUA 20:1

Cun Bawipa nih Joshua cu a chawnh i,

BIAPHUAN 12:7

Cun van ah khin raldohnak a um. Mikhael le a vancungmi hna nih khan limkeng cu an doh i limkeng nih cun a vancungmi hna he a rak doh ve hna.