JOSHUA 5:13 - Lai (Hakha) Common Language Bible 2006

¹³ Joshua cu Jeriko khua pawngah a um tikah a mit a hun hler i a hun zoh i, zohhmanh, a hmaiah mipa pakhat a vainam zuh cia in a dir; Joshua cu a sinah a va kal i amah cu, “Kanmah caah maw na si, kan ral hna caah dah na si?” tiah a ti.

JOSHUA 5:13 Iomraidhean Croise

GENESIS 18:1

Bawipa cu Abraham sinah Mamre i thingzarh hna lakah khan a lang. Chun ni lin lai i Abraham cu a thlam innka i a ṭhut lioah khan,

GENESIS 18:2

khua a hei zoh i mipa pathum an dir ko kha a hmuh hna. A hmuh hna le cangka a va tli i a va don hna. A khuk aa bil i,

GENESIS 28:16

Jakob cu a hun i hlau i, “Bawipa cu hika hmun ah hin a um taktak, a hngalh bel ka rak hngal lo i a si,” a ti.

GENESIS 33:1

Jakob nih Esau minung za li he an rat kha a hmuh i cucaah ngakchia kha Leah, Rachel le salnu pahnih kha a phawt hna.

GENESIS 33:5

Esau cu a hnuhmai a hun i mer i nu le ngakchia kha a hmuh hna tikah, “Hi na sin i a ummi hna hi mi zei dah an si?” tiah a hal. Jakob nih, “Bawipa, hi hna hi Pathian nih a ka zaangfahmi ka fale an si,” tiah a leh.

1 CHANRELNAK 12:22

Ni fate ti awkin mi kha David sinah amah kha bawmh awkah an i fon i ralkapbu nganpi, Pathian ralkapbu bantuk ah a ralkapbu cu a cang.

1 CHANRELNAK 21:27

Cun Bawipa nih vancungmi kha nawl a pek i a vainam cu a kawng chungah a sawh ṭhan.

1 CHANRELNAK 21:30

sihmanhsehlaw David cu Bawipa kha va hal awkah a hmaiah cun a kal kho lo; zeicahtiah Bawipa vancungmi vainam kha a ṭih.

EXODUS 23:23

Ka vancungmi kha nan hmaiah a kal lai i Amor mi le Hit mi le Periz mi le Kanaan mi le Hiv mi le Jebus mi hna an umnak ram ah khan kan kalpi hna lai i annih cu ka hrawh dih hna lai.

DANIEL 10:5

cunglei ka hun zoh i mipa pakhat lahmangṭhia puan aa aih i a tai ah ofir sui taisawm aa sawmhmi kha ka hmuh.

DANIEL 8:3

Khua ka hei zoh i cu ah cun tuukawng pakhat ki pahnih a ngeimi keimah le tiva kam i a dir ko kha ka hmuh. Cu a ki cu an pahnih in an sau i a hnu deuh i a hung khomi cu a dang pakhat nakkhan a sau deuh.

ZEKHARIAH 1:8

Zahan ah langhnak pakhat ka hmuh. Kuar pakhat ah hin mipa pakhat ka hmuh i cu pa cu lenhmui thingkung lakah a dir i rangtum sen aa cit; cun a hnuah cun rang dang a nak le a pawl le a rang kha an um.

NAMBAR 22:23

Cun laa nih cun Bawipa vancungmi cu lamkalai ah vainam phawi cia i put in a dir ko kha a hmuh i, laa cu lam in a pial i lo chungah a kal; cun Balaam nih laa cu lam lei i mer ṭhan awkah a tuk.

NAMBAR 22:31

Cu tikah Bawipa nih Balaam cu a mit a auter i, Bawipa vancungmi, vainam zuh cia a kut ah i put in, lamkalai ah a dir ko kha a hmuh, cun a lu a khun i a bawk.

LAMKALTU 1:10

Annih nih a liam riahmah kha an cuanh ko lioah cun, puan rang aih in minung pahnih an pawngah cun chikkhatte ah khin an rung dir i,

JOSHUA 6:2

Cun Bawipa nih Joshua cu a chawnh i, “Zohhmanh, Jeriko cu a siangpahrang he, a miṭhawng ralṭha hna he tiah, na kut chungah kan pek cang.

BIAPHUAN 1:13

Cu mei vannak hna lakah cun minung a lomi pakhat a dir i a kemit phiak in angki fual aa hruk i a ṭang ah sui taisawm pakhat aa sawmh.

BIACEIHTU 13:11

Cun Manoah cu a tho i a nupi cu a hei zulh i mipa sin cu a phan i a sinah, “Hi minu sin i bia a chimtu kha nangmah na si maw?” tiah a ti. Cun anih nih, “Ka si,” tiah a ti.

BIACEIHTU 13:22

Cun Manoah nih a nupi sinah khan. “Kan thi ṭheoṭheo lai, Pathian kha kan hmuh caah,” tiah a ti.