JOSHUA 5:10 - Lai (Hakha) Common Language Bible 2006

¹⁰ Israel mi hna cu Gilgal i an riah lioah, Jeriko nelrawn ah cun, cu thla ni hleili ni zanlei ah lanhtak puai kha an tuah.

JOSHUA 5:10 Iomraidhean Croise

2 SAMUEL 15:28

Zohhmanh, ramlak i tiva tannak ah khan keimah thanh awkah nan sinin bia ka hmuh hlantiang ka rak um lai,” tiah a ti.

EXODUS 12:11

Cun nan eining cu hi ti hin a si lai: nan puan kha nan i sawihnawt lai i nan kedan kha nan i danh lai i nan ṭhiangṭhunh kha nan i put lai, cuticun khulrang in nan ei lai. Cu puai cu Bawipa ca i Lanhtak Puai a si.

EXODUS 12:18

Thla hmasa bik thla, a ni hlei li ni zanlei in a ni kul le ni khat ni zanlei tiang, thilnu phulh lo changreu kha nan ei lai.

EXODUS 12:6

Atu thla ni hleili ni tiang hi, nan i chiah hna lai i cu ni zanlei ah cun Israel mi vialte nih cu sa cu nan thah cio hna lai.

JEREMIAH 39:5

sihmanhsehlaw Khaldi mi ralkap hna nih khan an dawi hna i Jeriko nelrawn ah khan Zedekiah cu an phanh. Siangpahrang cu an tlaih i Hamath ram Riblah khua ah Babilon siangpahrang Nebukhadnezzar hmaiah khan an ratpi i a hmaiah cun a kong kha aa chim.

EZEKIEL 12:3

Cucaah mipa, an mit hmuh hrimhrim ah chun ah lam ca i na herh ding kha i tim law khualtlawn ah cun i thawh tuah. Na inn kha na kaltak i an hmuhhngan ah ral taannak chungah na kal tikah hin, annih nih mi dohhmang kan si ti kha an hei hngalh hmanh hnga maw.

LEVITIKAS 23:5

Thla khatnak thla, a thla chung ni hleilinak zanlei ah cun Bawipa lanhtak puai a si lai.

MIKAH 6:5

Moab siangpahrang Balak nih nan cungah tuah a timhmi kha ruat tuah u, Maw ka mi hna; Cun zeitindah Beor fapa Baalam nih a leh kha ruat fawn tuah u; Bawipa nih nanmah khamhnak caah a tuahmi kha nan hngalh khawh nakhnga, Shittim in Gilgal tiang nan kalnak kha ruat tuah u.

JOSHUA 4:19

Thla hmasa bik thla, a ni hra ni ah, mi hna cu Jordan in an hung chuak i Jeriko nichuahlei ramri i a ummi Gilgal ah an riak.

JOSHUA 5:11

Cun lanhtak puai a thaizing, cu ni hrimhrim ah cun, cu ram in a chuakmi, thilnu cawh lo chang le vaireu kha an ei.

JOSHUA 9:6

Cun Gilgal riahhmun ah khan Joshua le Israel mi hna sinah an va kal i, “Ram hla piin a rami kan si, cucaah kanmah he biakamnak ser u,” tiah an ti.

1 SAMUEL 7:16

Cun kum fate in Bethel, Gilgal le Mizpah cu a tlawn diahmah lengmang hna i, hi khua dihlak ah hin Israel mi kha bia a ceih hna.