JOSHUA 4:11 - Lai (Hakha) Common Language Bible 2006

¹¹ cun mi vialte nih cun an tan dih tikah Bawipa biakamnak kuang le tlangbawi hna cu zapi hmaiah cun an kal.

JOSHUA 4:11 Iomraidhean Croise

ISAIAH 52:12

Atu tan hi cu namhnaw in nan chuah a hau lai lo, a zam in nan zam a herh lai lo, Bawipa nan Pathian nih an hruai hna lai i nan hnu, nan hmai, nan sirlei in an ven hna lai.

JOSHUA 24:11

Cun Jordan tiva kha nan tan i Jeriko kha nan phan i Jeriko khuami hna le Amor mi hna, Periz mi hna, Kanaan mi hna, Hit mi hna, Girgash mi hna, Hiv mi hna le Jebus mi hna zong nih nannih kha an rak in doh hna; annih cu nan kut chungah kan pek hna.

JOSHUA 3:17

Cun Israel mi vialte nih leiro cungin an tan lioah, Jordan tiva chungah cun, Bawipa biakamnak kuang a zawntu tlangbawi hna kha, an phun ning piin Jordan tiva cu an tan dih hlantiang, leiro cungah cun an dir.

JOSHUA 3:8

Cun biakamnak kuang a putu tlangbawi hna cu, ‘Jordan ti kam nan phak tikah Jordan tiva chungah cun nan dir peng lai,’ tiin nawl na pek hna lai,” tiah a ti.

JOSHUA 4:10

Moses nih Joshua nawl a rak pekmi vialte bangin Bawipa nih Joshua cu mi zapi kha chimh hna awkah nawl a pekmi vialte a dih hlantiang, kuang a zawntu tlangbawi hna cu Jordan tiva chungah an dir. Mi zapi nih cun hnawhnam in an tan;

JOSHUA 4:12

Reuben fapa hna le Gad fapa hna le Manasseh phun cheu hna kha Moses nih a rak chimh hna bang khan Israel mi hmaiah cun hriamnam i ken in an kal;

JOSHUA 4:18

Cun Bawipa biakamnak kuang a zawntu tlangbawi hna kha Jordan tiva chungin an chuah i tlangbawi hna keza nih cun lei ro a tawngh tikah, Jordan tiva ti cu an umnak ah an kir ṭhan i hmasa bantuk khan a kuang cu a liam ko.