JOSHUA 24:31 - Lai (Hakha) Common Language Bible 2006

³¹ Cun Israel mi nih Joshua nunchung vialte le, Joshua hnu i a nung i Bawipa nih Israel mi caah a tuahmi rian vialte a hngaltu upa hna nunchung cu Bawipa rian kha an ṭuan.

JOSHUA 24:31 Iomraidhean Croise

GENESIS 14:10

Siddim nelrawn cu bitumen an cawhnak khor in a khat i cucaah Sodom siangpahrang le Gomorrah siangpahrang kha raltuknak hmun cun zam an i timh tikah cu khor chungah cun an tla. A dang cu tlang ah khan an zam.

2 CHANRELNAK 24:2

Tlangbawi Jehoiada chan chung cu Joash nih Bawipa mithmuh i a dikmi kha a tuah.

2 CHANRELNAK 34:33

Josiah nih cun Israel mi hna ta a simi ram chung khan fihnung vialte kha a hlonh dih i Israel ram i a ummi vialte kha Bawipa, an Pathian rian cu a ṭuanter hna. Amah chan chung cu annih nih Bawipa an pupa hna Pathian zulhnak khan an pial lo.

LAMKALTU 20:29

Ka kal hnuah ṭih a nungmi cenghngia kha an ra lai i tuurun kha an ngan hna lai lo ti kha ka hngalh.

DEUTERONOMI 11:2

Cun nihin ah ruat tuah u (a hngalh zong a hngal lo i a hmuh zong a hmu lomi nan tefa hna sinah mah hihi ka chim lo), Bawipa nan Pathian chimhhrinnak le a lianhngannak, a ṭhawngmi a kut le aa samhmi a ban,

DEUTERONOMI 11:7

zeitintiah nan mit nih Bawipa nih rian ngan a tuahmi vialte kha an hmuh cang.

DEUTERONOMI 31:13

hi a hngal rih lomi nan fale zong nih, va co awkah Jordan tiva nan tanhnawhmi ram chungah nan um chung paohpaoh, Bawipa nan Pathian ṭih kha an thiam nakhnga, pum hna u,” tiah nawl a pek hna.

DEUTERONOMI 31:29

Zeitintiah ka thih hnuah cun thil ṭhalo kha nan tuah hrimhrim lai i nawl kan pekmi hna lam khan nan pial lai tiah ka hngalh ko; cun Bawipa mithmuh ah ṭhat lonak nan tuah i nan kut rianṭuannak in a thin nan hunter caah, hmailei ah ṭhat lonak nih an tlunhnawh hna lai,” tiah a ti.

FILIPI 2:12

Cucaah ka dawtmi ka hawile hna, nan sin ka um i ka bia nan ngaih zungzal bantuk khan lamhlat i ka um zongah hin ka nawl ngai chinchin ko u ti kan duh hna. Nan khamhnak a tlin khawh nakhnga, ther le phang lengmang in ṭuan ko u.

BIACEIHTU 2:10

Cun cu chan mi vialte zong cu an pupa hna sinah pumh an si; cun annih hnuah Bawipa siseh, Israel ca i a tuahmi rian siseh, a hngal lomi chan thar a hung chuak.

BIACEIHTU 2:6

Joshua nih mi kha a ṭinter hna tikah, Israel mi hna cu ram kha co awkah anmah le an covo cio ah khan an kal.

BIACEIHTU 2:7

Cun mi hna nih cun Joshua nunchung le Joshua hnuah a nungmi upa, Israel mi caah Bawipa nih rian ngan a tuahmi vialte a rak hmutu hna an nunchung ah cun Bawipa rian kha an ṭuan.