JOSHUA 24:27 - Lai (Hakha) Common Language Bible 2006

²⁷ Cun Joshua nih mi vialte cu, “Zohhmanh u, mah hi lung hi kan cung i biahngaltu a si lai, zeitintiah Bawipa nih kan sinah a chimmi bia vialte kha hi lung nih hin a theih; cu caah nan cungah biahngaltu a si lai, nan Pathian cungah nan hrokhrawl sual nakhnga lo,” tiah a ti hna.

JOSHUA 24:27 Iomraidhean Croise

JOB 31:23

Pathian ṭihnak cu ka cungah a um i a lianhngannak cu ka ṭih caah hi thil cu ka tuah ngam hna lo.

JOB 31:28

Hi hna hi, biaceihtu hna nih dan an tat awk ṭhat lonak an si ko hnga, Zeicahtiah cunglei Pathian sinah zumh awk tlak loin ka rak um a si hnga.

PHUNGTHLÛKBIA 30:9

Zeicahtiah tam tuk ka ngeih ahcun kan hlawt sual lai i, “Bawipa cu aho hen dah a si?” ka ti sual lai; ka si a fah ahcun ka fir sual lai i ka Pathian min cu ka thurhhnawmh sual lai.

ISAIAH 1:2

Bawipa nih aa thawh i, “Van le vawlei hna, Bawipa nih ka chimmi hi ngai tuah u. Ka cawm cia le ka ken cia ka fale nih hin an ka doh.

ISAIAH 59:13

Nangmah cu kan in doh, kan in hlawt i kan in zul duh lo. Kan Pathian cu kan in kirtak i kan in hlawt. Kan lung chungin lih kha kan i pawi i cu lih cu mi congoihnak le mi rawinak ah kan hman hna.

HABAKKUK 2:11

Vampang lung hmanh nih an in hauh cang hna i inntling hna nih khan an aw cu an rak thanter.

NAMBAR 11:20

sihmanhsehlaw thla khat ning piin nan ei lai, nan hnarkua i a chuah i nan ca i fihnung a si tiangin, zeicahtiah nan lak i a ummi Bawipa cu nan hlawt i a hmaiah, “Zeicahhen Izipt ram khan kan rak chuah,” tiin nan ṭah caah,’ tiah ti hna,” tiah a ti.

MATTHAI 10:33

Sihmanhsehlaw zapi hmaiah, amah mi ka si lo, tiah aa phehmi cu vancung khua i a ummi ka Pa hmaiah cuticun ka ti ve hna lai.

LUKA 19:40

Jesuh nih cun a leh hna i, “Hi hna hi an daih ahcun lung hrimhrim hi an au lai,” tiah a ti.

DEUTERONOMI 30:19

Nannih hmaiah nunnak le thihnak, thluachuahnak le chiatserhnak ka chiah kha a hngaltu ah nihin ah van le vawlei kha ka kawh hna. Cucaah nunnak kha i thim tuah u, nanmah le nan tefa hna nih nan nun nakhnga —

DEUTERONOMI 31:19

Cucaah hi hla hi ṭial law, Israel mi kha cawnpiak hna; hi hla cu Israel mi hna kongah keimah ka biahngaltu a si nakhnga, an kaa chungah chia tuah.

DEUTERONOMI 31:21

Cun ṭhat lonak le harnak tampi an cungah a tlun tikah, hi hla nih hin hmaitonh in a chimtu hna biahngaltu a si lai zeitintiah an tefa hna kaa chungah khan philh lo awkin a nung lai. Pek awkah chiat ka sermi ram chungah ka luhpi hna hlan hmanh ah khan, an tumtahmi cu zeidah a si lai ti kha ka hngalh cang,” tiah a ti.

DEUTERONOMI 31:26

“Hi phungbia cauk hi la u law, Bawipa nan Pathian biakamnak kuang pawngah khan va chia tuah u, nanmah kong ah biahngaltu a si nakhnga.

DEUTERONOMI 32:1

“Maw van hna, nan hna rak chi tuah u, ka chim lai; Ka kaa in a chuakmi bia kha vawlei nih thei seh.

DEUTERONOMI 4:26

Jordan tan in nan va co laimi ram chung cun nan rawk cikcek zau lai, tiah nihin ni ah hin nanmah hngaltu ah van le vawlei ka kawh hna; a chungah saupi nan nung lai lo, nan lo dih cikcek ko lai.

TITAS 1:16

Pathian kan hngalh ti cu an ti, sihmanhsehlaw an tuahnak nih an chimmi cu a si lo ti kha a langhter. Mi huat awkin an um, nawl ngai loin khua an sa i thil ṭha tuah dingah an i tlak lo.

JOSHUA 22:34

Reuben mi hna le Gad mi hna nih cu biakṭheng cu Ed tiah min an sak; “Zeitintiah cu biakṭheng cu Bawipa cu Pathian a si tiah kan karlakah biahngaltu a si caah,” an ti.

JOSHUA 24:28

Cun Joshua nih mi zapi cu anmah le an comi ram cio ah a kalter hna.

BIAPHUAN 3:8

Na tuahmi kha ka hngalh; na thazang a tlawm nain kan cawnpiakmi na zulh le ka cungah zumh awk tlak na si kha ka hngalh. Innka pakhat kaan hunpiak i ahohmanh nih an khar kho lai lo.

1 SAMUEL 7:12

Cun Samuel nih lung pakhat a lak i Mizpah le Jeshanah karlak ah a phun i, “Atu tiangin Bawipa nih a kan bawmh,” tiin a min ah Ebenezer a sak.