JOSHUA 24:10 - Lai (Hakha) Common Language Bible 2006

¹⁰ Sihmanhsehlaw Balaam cu ka ngai duh lo, cucaah thluachuahnak an pek hna; cuticun nannih cu a kut chungin kan chuah hna.

JOSHUA 24:10 Iomraidhean Croise

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

MIKAH 6:5

Moab siangpahrang Balak nih nan cungah tuah a timhmi kha ruat tuah u, Maw ka mi hna; Cun zeitindah Beor fapa Baalam nih a leh kha ruat fawn tuah u; Bawipa nih nanmah khamhnak caah a tuahmi kha nan hngalh khawh nakhnga, Shittim in Gilgal tiang nan kalnak kha ruat tuah u.

NAMBAR 22:35

Cun Bawipa vancungmi nih Balaam cu, “Mi hna sinah cun va kal ko, sihmanhsehlaw kan chimhmi bia lawnglawng na chim lai,” tiah a ti. Cucaah Balaam cu Balak bawi hna sinah cun a kal.

DEUTERONOMI 23:5

Asinain Bawipa nan Pathian nih Balaam cu a bia a ngai lo; Bawipa nan Pathian nih Balaam chiatserhnak cu nan ca i thluachuahnak ah a canter, cucu Bawipa nan Pathian nih an dawt hna caah a si.

JOSHUA 24:11

Cun Jordan tiva kha nan tan i Jeriko kha nan phan i Jeriko khuami hna le Amor mi hna, Periz mi hna, Kanaan mi hna, Hit mi hna, Girgash mi hna, Hiv mi hna le Jebus mi hna zong nih nannih kha an rak in doh hna; annih cu nan kut chungah kan pek hna.