JOSHUA 23:6 - Lai (Hakha) Common Language Bible 2006

⁶ Cucaah Moses phungbia cauk chungah aa ṭialmi vialte kha zulh awk le tuah awkah fek tein um ko u; orhlei ah siseh; kehlei ah siseh pialtak hlah u.

JOSHUA 23:6 Iomraidhean Croise

1 SIANGPAHRANG 2:3

cun zei na tuahmi paoh ah le khuazeilei paoh i naa mernak ah na hlawhtlin nakhnga, Moses phungbia chungah aa ṭial bangin Bawipa na Pathian bia beuhmi kha na zulh hna lai i amah lam kha na zulh hna lai i a nawlbia hna le a phungbia hna le a phunglam hna le a hngalhternak bia hna kha na ulh hna lai;

SALM 101:3

A thurmi tinhmi zeihmanh ka ngei lai lo; zumhtlaklo si kha a huat in ka huat lai.

SALM 119:102

Na cawnpiaknak kha zeirello in ka um hna lo, zeicahtiah a ka cawnpiaktu cu nangmah na si.

JEREMIAH 9:3

An lei cu an hriam a si, kuaih ciami likuk bantuk a si, Biatak si loin lih tu kha ram chungah hin bawi a si. Ṭhat lonak pakhat in ṭhat lonak pakhat ah an kal i Keimah cu zeihmanh ah an ka rel lo, tiah Bawipa nih a ti.

1 KORIN 16:13

Lungfim tein um u, nan zumhnak ah khan fek tein dir u, ralṭha in um u law thazang ṭhawng in um u.

DEUTERONOMI 12:32

“Nawl kan pekmi hna thil vialte kha ralring tein nan tuah hna lai; nan chap lai lo, nan zuk fawn lai lo.

DEUTERONOMI 5:32

Cucaah Bawipa nan Pathian nih nawl an pek hna bangin ṭha tein nan tuah lai; orhlei ah siseh; kehlei ah siseh nan i mer lai lo.

HEBRU 12:4

Zeicahtiah sualnak nan dohnak ah hin thihnak tiang ngaingai cu nan ing rih lo.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.