JOSHUA 23:13 - Lai (Hakha) Common Language Bible 2006

¹³ Bawipa nan Pathian nih hi miphun hna hi nan hmai in a ṭhawl lan hna lai lo ti kha fiang tein hngal ko u; Bawipa nan Pathian nih an pekmi hna hi ram ṭha chung hin nan loh hlantiang nan caah rap le thang le, nan hnak i tuknak fung le nan mit chung i hling an si lai.

JOSHUA 23:13 Iomraidhean Croise

1 SIANGPAHRANG 11:4

Zeitintiah Solomon cu a hung tar tikah a nupi hna nih cun a lung cu pathian dang hna leiah an pialter i a pa David lung bang khan cun a lung cu a dih umnak in a Pathian Bawipa sinah khan a hmun lo.

2 SIANGPAHRANG 17:18

Cucaah Bawipa cu Israel cungah a thin a hung ngaingai i a mithmuh phak lonak ah a dawi hna; Judah phun dah ti lo cu ahohmanh an tang lo.

2 SIANGPAHRANG 17:20

Cun Israel tefa vialte cu Bawipa nih a hlawt hna i a hrem hna, a mithmuh phak lo ah a hlonh hna hlantiang, hrawktu hna kut chungah khan a chanh hna.

2 SIANGPAHRANG 25:21

Cun Babilon siangpahrang nih khan a tuk hna i Hamath ram Riblah khua ah khan a thah hna. Cuticun Judah cu amah ram chungin saltannak chungah kalpi a si.

2 SIANGPAHRANG 25:26

Khi tikah mi vialte cu a hme he a ngan he, ralkapbu haotu hna he khan an tho i Khaldi mi kha an ṭih hna caah Izipt ah an kal.

SALM 69:22

An puai cu anmah rawhnak ah cang seh law an i nuamhnak cu anmah tluknak ah cang ko seh.

EXODUS 10:7

Faro cu a bawi pawl nih khan an thawh i, “Hi pa hi zei can dah harnak a kan pek lai? Va kal ko hna seh law Bawipa an Pathian cu va bia ko hna seh. Izipt ram a rawk cang hi na hmu kho rih lo maw?” an ti.

EXODUS 23:33

Nan ram chungah cun an um lai lo, ka cungah an in sualter sual hna hnga. An pathian kha nan biak hna ahcun cu nih cun nanmah rawhnak kha a chuahter lai,” a ti.

EXODUS 34:12

Nan va luh lainak ram chung i a ummi miphun hna he khan biakamnak zeihmanh tuah hlah u, zeicahtiah cu bantukin nan tuah ahcun nan tuahmi biakamnak nih cun rawhnak an phakter hna lai.

EXODUS 34:16

An fanule kha nan fapale nupi ah nan ṭhit sual hna lai i hi ramdang mi nu hna nih hin an pathian an biak hna tikah hlawhhlangnu bantukin um hna lai fawh kaw nan fapale kha keimah cungah zumhawktlak loin an umter hna lai i an pathian tu kha an biakter sual hna lai.

EZEKIEL 28:24

Israel mi hna nih an pawngkam i a ummi hna nihsawhnak, hling hriahnak le hling chunhnak kha an ing ti lai lo i annih nih Bawipa Pathian ka si kha an hngalh lai.

NAMBAR 33:55

Sihmanhsehlaw cu ram i a ummi hna cu nan hmai in nan dawi hna lo ahcun, nan taantermi hna cu nan mit chungah hling le nan hrappang ah chuntu bantuk an si lai i nannih nan umnak ram chungah cun harnak an in pek hna lai.

LUKA 21:24

Annih cu vainam in thah an si lai i ram kip ah sal ah an hruai hna lai, Jentail mi nih Jerusalem khua cu an naan lai i an caan a dih hlantiang an ke tangah an chiah lai.

DEUTERONOMI 29:28

Cun Bawipa nih a thinhunnak, a thinphawhnak le a thinlinhnak in an ram in a phawi hna i nihin ah a si bang hin ram dang ah a hlonh hna,’ an ti lai.

DEUTERONOMI 30:18

nannih cu nan rawk lai; luhhnawh awk le co awk caah Jordan tiva nan tanhnawhmi ram chungah sau nan nung lai lo, tiah nihin ah kan thanh hna.

DEUTERONOMI 4:26

Jordan tan in nan va co laimi ram chung cun nan rawk cikcek zau lai, tiah nihin ni ah hin nanmah hngaltu ah van le vawlei ka kawh hna; a chungah saupi nan nung lai lo, nan lo dih cikcek ko lai.

DEUTERONOMI 7:16

Cun Bawipa nan Pathian nih an pek laimi hna miphun vialte cu nan hrawh hna lai, nan mit nih zaangfah hna hlah seh; an pathian zong nan bia hna lai lo, zeitintiah mah cucu nan caah rap a si lai.

2TIMOTE 2:26

Cun an lung a hung fim lai i amah duhnak tuah awkah a foih i sal ah a hrengtu hna Khuachia rap khan an luat lai.

BIACEIHTU 2:21

hi hnu hi cu annih hmai in, Joshua nih a thih tikah a nganhtami miphun hna kha, ka dawi ti hna lai lo,