JOSHUA 22:5 - Lai (Hakha) Common Language Bible 2006

⁵ Bawipa sal Moses nih, Bawipa nan Pathian cu dawt awk le, a lam vialte kha zulh awk le, a nawlbia hna kha tuah awk le, amah sinah i bek awk le, amah cu nan lung dihlak le nan thlarau vialte in a rianṭuan awkah nawl an pekmi hna nawlbia le phungbia cu tuah awkah ṭha tein i ralring tuah u,” tiah a ti hna.

JOSHUA 22:5 Iomraidhean Croise

SALM 106:3

Amah nawl a zulmi cu mi lunglawm an si, a dingmi thil a tuahmi cu mi lunglawm an si!

SALM 78:7

Cun Pathian zong kha an i bochan lai i a tuahmi thil kha an philh hna lai lo, a nawlbia kha an zulh zungzal hna lai.

EXODUS 15:26

Bawipa nan Pathian ka bia kha ṭha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.

EXODUS 20:6

Asinain a ka daw i ka nawlbia a zulmi hna cungah cun chan thong khat tiangin a fekmi ka dawtnak kha ka langhter.

EXODUS 23:13

Kan chimhmi hna hi ṭha tein ngai u. Nannih nih pathian dang sinah thla nan cam hrimhrim lai lo, an min hmanh a chim in nan chim lai lo.

EXODUS 23:25

Bawipa nan Pathian lawng kha nan biak lai i ti le rawl in thluachuahnak kan pek hna lai i nan dam lonak vialte kha kan lakpiak hna lai.

PHUNGTHLÛKBIA 4:23

Na lung kha ṭha tein veng tuah, Zeicahtiah cuka cun nunnak cerhti kha a put.

ISAIAH 55:2

Zeicahdah rawl a si ṭung lomi ah nan phaisa kha nan hloh? Zeicahdah nan nihlawh man vialte cu nan hman dih ṭung i rawlṭam in nan um ṭhiamṭhiam ṭung? Ka bia ngai u law ka chimmi kha tuah tuah u, rawl vialte lakah a thaw bik kha nan ei lai.

JEREMIAH 12:16

Cun ka mi hna cu Baal min in chiatser an rak cawnpiak hna bantuk khan, annih zong nih ka mi hna biaknak kha an lungthin dihumnak in an i lak ve i, ‘Bawipa a nun bangin,’ ti in chiat an ser ve ahcun, ka mi hna lakah telh chihmi innchungkhar an si ve lai.

MATTHAI 22:37

Jesuh nih cun, “‘Bawipa na Pathian cu na lungthin dihlak le na ruahnak dihlak le na nunnak dihlak in na dawt lai,’

MATTHAI 4:10

Cun Jesuh nih a leh i, “Satan, va kal cang, Cathiang nih pei, ‘Bawipa na Pathian cu va bia law, amah rian lawnglawng va ṭuan,’ a ti kha,” tiah a ti.

MATTHAI 6:24

“Ahohmanh bawi pahnih sal nan si kho lai lo; pakhat kha nan dawt deuh lai i pakhat kha nan huat deuh lai; pakhat sinah khan cun zumhawktlak tein nan um lai i pakhat tu kha cu zei ah nan rel lai lo. Pathian le tangka cu an rian nan ṭuan kep kho lai lo.

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

JOHAN 14:15

“Nan ka dawt ahcun ka nawlbia kha nan zulh hna lai.

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

LAMKALTU 27:23

Zeicahtiah ka biak i a ta ka simi Pathian vancungmi kha zahan ah ka sinah a ra i,

ROM 1:9

Ka chimmi bia hi ahmaan tiah Pathian cu tehte ah kaa lak ngam — cu Pathian rian, a Fapa kong Thawngṭha chim hi ka lungthin dihlak in ka ṭuanmi cu a si.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

DEUTERONOMI 10:20

Bawipa na Pathian cu na ṭih lai; a rian na ṭuan lai i amah ah naa bek lai i amah min chalh in chiat na ser lai.

DEUTERONOMI 11:1

“Cucaah Bawipa na Pathian cu na dawt lai i a bia le a nawlbia hna le a phunglam hna le a phungbia hna cu na zulh zungzal lai.

DEUTERONOMI 11:13

“Cun nihin ah nawl kan pekmi hna ka nawlbia, Bawipa nan Pathian dawt le, a rian nan lung dihlak le nan ruahnak dihlak in ṭuan cu, nan zulh hna ahcun,

DEUTERONOMI 11:22

Zeitintiah tuah awk i nawl kan pekmi hna nawlbia hi a dihlak in, Bawipa nan Pathian dawt le amah lam vialte zulh le amah leiah i bek cu ṭha tein nan tuah ahcun,

DEUTERONOMI 13:4

Bawipa nan Pathian cu nan zulh lai i nan ṭih lai, a nawlbia kha nan zulh hna lai i a aw kha nan ngaih lai, amah kha nan biak lai i amah sinah khan nan i bek lai.

DEUTERONOMI 4:29

Sihmanhsehlaw khika ah Bawipa nan Pathian cu nan kawl lai i, nan lung vialte le nan ruahnak vialte in amah kha nan kawl ahcun nan hmuh lai.

DEUTERONOMI 4:4

sihmanhsehlaw nannih Bawipa nan Pathian fek tein aa tlaihmi vialte cu nihin tiang nan nung rih.

DEUTERONOMI 4:6

Ul hna u law, tuah hna u, zeitintiah miphun hna hmuh ah mah cucu nan fimnak le nan hngalhnak a si lai; hi nawlbia vialte an theih tikah, ‘Hi a nganmi miphun hi a fim le a hngalhthiammi an si hrimhrim ko,’ an ti lai.

DEUTERONOMI 4:9

“Ṭha tein i ralring u law, i zohkhenh u, nan mit nih a hmuhmi thil cu nan philh sual hna nakhnga lo le nan nunchung ah nan lung chungin an tlau sual nakhnga lo; nan fale le nan tule hna kha hngalhter hna u —

DEUTERONOMI 5:10

sihmanhsehlaw a ka dawmi le ka nawlbia a zulmi thong tampi cung i a fekmi dawtnak a langhtertu ka si.

DEUTERONOMI 6:17

Bawipa nan Pathian nawlbia le biahngalhternak hna le a phunglam hna, an pekmi hna cu, fel tein nan ulh lai.

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.

JEIM 1:12

Hneksaknak a in tikah fek tein a ummi cu a lung aa lawm, zeicahtiah cu bantuk hneksaknak kha a tei khawh caah Pathian nih amah a dawtu hna a kamhmi nunnak kha laksawng ah a hmuh lai.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

JOSHUA 23:8

nihin ni tiang nan tuah bangin Bawipa nan Pathian sinah i bek ko u.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!

1 SAMUEL 12:20

Cun Samuel nih mi sinah cun, “Ṭih hlah u; hi thil ṭhalo vialte hi nan tuah cang, asinain Bawipa nan zulhnak khan pial loin nan lungthin dihlak in Bawipa rian kha ṭuan tuah u;

1 SAMUEL 12:24

Bawipa cu a ṭih bel ṭih ko u law, nan lungthin dihlak in a rian kha zumhawktlak tein ṭuan ko u; zeitintiah nan ca i thil lianngan a tuahmi kha ruat tuah hna u.

1 SAMUEL 7:3

Cun Samuel nih Israel chungkhar vialte hna sinah cun, “Bawipa sinah nan lung dihlak in nan kir a si ahcun, ramdang khuazing hna le Ashtaroth hna kha nanmah chungin nan hlonh hna lai i Bawipa leiah khan nan lung nan hoihter lai i amah lawng kha nan biak lai, cun amah nih Filistin mi hna kut chungin an chuahter hna lai,” tiah a ti.