JOSHUA 22:27 - Lai (Hakha) Common Language Bible 2006

²⁷ kannih le nannih karlak ah, kan hnu i kan tefa hna karlak ah biahngaltu a si i Bawipa rian cu kannih nih amah hmaika ah kan khangh thawinak le raithawinak le daihnak thawinak in kan rak ṭuan ve tinak caah biakṭheng pakhat ser u sih; hmailei ah nan tefa hna nih kan tefa hna cu, “Bawipa chungah covo zeihmanh nan ngei lo,” an ti sual hna nakhnga lo,’ tiah kan ti.

JOSHUA 22:27 Iomraidhean Croise

GENESIS 31:48

Laban nih cun, “Hi lungpumh hi nangmah ca le keimah caah hngalh ṭhantertu si seh,” a ti. Cu ruangah cun cu hmun Galeed an tinak cu a si.

GENESIS 31:52

Hi lungpumh le hi philh lonak lung hi hngalhter ṭhantu an si. Nangmah doh awkah hi lungpumh hi ka lonh lai lo i nang zong nih keimah doh awkah hi lungpumh le hi philh lonak lungphun hi na lonh ve lai lo.

SALM 16:5

Nangmah dah ti lo cu ka ngeihmi dang zeihmanh a um lo, maw Bawipa, ka herhmi vialte cu nangmah nih na ka pek, ka nunnak cu na kut chungah a um.

ISAIAH 19:19

Cu caan a phak tikah Izipt ram chungah Bawipa ca biakṭheng pakhat a um lai i Izipt ramri ah lungphun pakhat cu Bawipa caah ser a si lai.

DEUTERONOMI 12:11

khi tikah Bawipa nan Pathian nih a min umnak dingah a thim laimi hmun ah nawl kan pekmi hna vialte cu nan rak put hna lai: nan khangh thawinak hna le raithawinak hna, nan cheu hra cheu khat le nan pekchanhmi pekchanhnak, cun Bawipa sinah bia nan i kammi biakamnak pekchanhnak vialte na rak put lai.

JOSHUA 22:10

Kanaan ram chung Jordan tivakam hrawng ram kha an va phak tikah Reuben mi hna le Gad mi hna le Manasseh phun cheu nih khan khika ah Jordan tiva pawngah biakṭheng nganpi pakhat an ser.

JOSHUA 22:26

Cucaah kannih nih, ‘Khangh thawinak caah si loin le raithawinak caah si loin,

JOSHUA 22:28

Cun mah hihi hmailei ah kannih sinah siseh, kan ciruang hna sinah siseh, chim a si sual ahcun, ‘Bawipa biakṭheng a keep hi zohhmanh u, kan pupa hna nih khangh thawinak caah si loin le raithawinak caah si loin, nannih le kannih karlak i biahngaltu si dingah an rak sermi hi,’ tiah kan chim lai tiah kan ruah.

JOSHUA 22:34

Reuben mi hna le Gad mi hna nih cu biakṭheng cu Ed tiah min an sak; “Zeitintiah cu biakṭheng cu Bawipa cu Pathian a si tiah kan karlakah biahngaltu a si caah,” an ti.

JOSHUA 24:27

Cun Joshua nih mi vialte cu, “Zohhmanh u, mah hi lung hi kan cung i biahngaltu a si lai, zeitintiah Bawipa nih kan sinah a chimmi bia vialte kha hi lung nih hin a theih; cu caah nan cungah biahngaltu a si lai, nan Pathian cungah nan hrokhrawl sual nakhnga lo,” tiah a ti hna.

1 SAMUEL 7:12

Cun Samuel nih lung pakhat a lak i Mizpah le Jeshanah karlak ah a phun i, “Atu tiangin Bawipa nih a kan bawmh,” tiin a min ah Ebenezer a sak.