JOSHUA 22:24 - Lai (Hakha) Common Language Bible 2006

²⁴ Cu tuahnak ding caah kan tuahmi a si lo, kan tuahnak cu hmailei ah nan fale nih kan fale cu, “Bawipa Israel Pathian he zei tlaihnak dah nan ngeih?

JOSHUA 22:24 Iomraidhean Croise

GENESIS 18:19

A hmaanmi le a dingmi thil tuah hi ka nawlbia zulh a si ti kha a fale le a hnu i a ra laimi a tefa hna kha a cawnpiaknak hna hnga, amah cu ka thim cang. Cun bia kaa kammi vialte kha ka tuahpiak lai,” tiah a ti.

GENESIS 30:33

Hihi a zafangmi thil a si tiah ka ruah. Hmailei ah ka din le din lo cu fawi tein na hmuh khawh ko lai. Ka ṭuan man kha na rak zoh hna tikah, ka meheh hna lakah a ṭial lomi le a ṭialning a deh in aa dehmi a si lomi le tuufa a nak lomi na hmuh hna ahcun, cucu a fir in firmi an si ti kha na hngalh lai,” a ti.

EXODUS 13:14

Hmailei ah nan fale nih, ‘Hihi a sullam zeidah a si?’ tiah an in hal hna ahcun, ‘Sal i kan cannak inn, Izipt ram chung i fater vialte kha, minung he saram he, Bawipa nih a rak thah dih hna. Cu ruangah cun fater paohpaoh Bawipa sinah raithawinak i kan pekchanh hna hi a si i kan fater hna kan tlanh hna hi a si,’ tiah nan leh hna lai.

DEUTERONOMI 6:20

“Hmailei caan ah na fapa nih, ‘Hngalhternak bia hna le nawlbia hna le phunglam hna, Bawipa kan Pathian nih an pekmi hi a sullam zeidah a si?’ tiah an hal tikah,

JOSHUA 22:23

hi biakṭheng hi kan ser i Bawipa sinin a kan pialter a si ahcun, nihin ah hin kan zuah hrimhrim hlah u; cun a cung i khangh thawinak thawinak caah caah siseh, chang thawinak thawinak caah siseh, daihnak thawinak thawinak caah siseh, kan tuah a si ahcun Bawipa hrimhrim nih kan cungah phuhlamnak cu tuah seh.

JOSHUA 22:25

Zeitintiah nannih Reuben mi hna le Gad mi hna, nannih le kannih karah Bawipa nih Jordan cu ramri ah a ser ko; Bawipa chungah nannih cu covo nan ngei lo,’ an ti hna lai ti kan phan caah kan tuah cu a si. Cuticun nan fale nih kan fale cu Bawipa biak kha an ngolter sual hna hnga.

JOSHUA 4:6

cun hmailei caan ah nan tefa hna nih, ‘Hi lung hna hi nan caah zei sullam dah an si?’ tiah an in hal tik hna ah, mah hihi nan lakah hmelchunhnak a si lai.