JOSHUA 21:8 - Lai (Hakha) Common Language Bible 2006

⁸ Bawipa nih Moses sinin nawl a pek bang khan, hi khua hna le an pawngkam i saṭil tlonnak ram hna cu Israel mi nih camcawh fung khiah in Levi mi kha an pek hna.

JOSHUA 21:8 Iomraidhean Croise

GENESIS 49:5

“Simeon le Levi hi unau an si, an hriamnam cu thil ṭhalo tuahnak ah an hman.

GENESIS 49:7

An thinhunnak cu ṭih a nun tuk caah an cungah chiatserhnak nih tlunhnawh hna seh, an thinlinhnak cu a puarhran tuk caah chiat nih tlunhnawh ko hna seh. Jakob ram chungah ka ṭhek hna lai i Israel mi lakah ka ṭhen dih hna lai.

PHUNGTHLÛKBIA 16:33

Camcawhfung cu phei cungah hrilh a si tawn, sihmanhsehlaw biakhiahnak taktak cu Bawipa sin lawnglawng in a si.

PHUNGTHLÛKBIA 18:18

Pa ṭhawng pahnih cu biaceihnak zung ah bia an i al ahcun, camcawhfung lawng nih an bia kha a khiah khawh.

NAMBAR 32:2

Cucaah Gad fapa hna le Reuben fapa hna cu Moses le tlangbawi Eleazar le mibu hruaitu hna sinah khan an ra i,

NAMBAR 33:54

Ram cu nan hrinning cio in camcawh fung khiah in nan co lai; phun ngan deuh cu ro ngan deuh nan pek lai i phun hme deuh cu ro hme deuh nan pek lai; ahohmanh nih camcawh fung khiah in a hmuhmi hmun paoh cu, cu hmun cu amah ta a si lai; nan pupa hna phun ning cio ah nan co lai.

NAMBAR 35:3

Khua cu annih umnak caah an si lai i an phong ram hna cu an caw le an ṭilva le an saṭil vialte caah an si lai.

JOSHUA 18:6

Hmun sarih in cheumi ram kong cu nan ṭial lai i nan ṭialmi cu hika ka sinah nan rak put lai; cun Bawipa kan Pathian hmaiah hika ah nan caah camcawh fung kan khiahpiak hna lai.

JOSHUA 21:3

Cucaah Bawipa nawl peknak bangin Israel mi nih Levi mi hna cu a tanglei khua hna le saṭil tlonnak ram hna hi an vo chungin an pek hna.

JOSHUA 21:7

Merari mi hna nih an innchungkhar ning cio in Reuben phun le Gad phun le Zebulun phun hna sinin khua hleihnih an hmuh.

JOSHUA 21:9

Judah phun le Simeon phun chungin an min in chimmi a tanglei khua hna cu an pek hna.