JOSHUA 21:45 - Lai (Hakha) Common Language Bible 2006

⁴⁵ Bawipa nih Israel chungle hna sinah biakamnak ṭha a sermi vialte lakah khan pakhat hmanh pakpalawng ah a cangmi a um lo; an dihlak tein a tling dih.

JOSHUA 21:45 Iomraidhean Croise

1 SIANGPAHRANG 8:15

Cun aa thawh i, “Ka pa David sinah, ‘Ka mi Israel mi hna cu Izipt ram in ka chuahpi hna ni thawk in, Israel mi hna phun chung i khua zeihmanh kha, ka min umnak ding i inn saknak caah, ka thim lo;

1 SIANGPAHRANG 8:20

Atu cu Bawipa nih a biakamnak a sermi kha a hun tlinter cang; zeitintiah ka pa David hmun ah khan ka kai cang i Bawipa biakam bang khan Israel mi bawi ṭhutdan cungah ka ṭhu i Bawipa, Israel Pathian min caah khan inn cu ka sak cang.

1 SIANGPAHRANG 8:24

na sal David, ka pa sinah na rak chimmi cu na zulh; asi, a sinah na kaa in na rak chim i mah cucu nihin ni ah hin na kut in na tlinter.

1 SIANGPAHRANG 8:56

“A biakam vialte ningin a mi Israel mi dinhnak a petu Bawipa cu thangṭhat si ko seh; a sal Moses sinin a chimmi a biakam ṭha vialte cu bia pakhat hmanh a pelhmi a um lo.

NEHEMIAH 9:8

Cun amah cu nangmah sinah zumhawktlak a si kha na hmuh i a tefa hna cu Kanaan mi hna le Hit mi hna le Amor mi hna le Periz mi hna le Jebus mi hna le Girgash mi hna ram kha pek awkah amah sinah khan biakamnak kha na ser; cun nang cu na din caah na biakamnak cu na tlinter.

ISAIAH 48:3

Bawipa nih Israel cu a thawh i, “Hlan liopi khan a um ding thil cu ka rak chimchung i cun hmakhatte ah cucu ka hun umter!

1 KORIN 1:9

A Fapa Jesuh Khrih kan Bawipa he hawikomhnak ngeih awkah an kotu hna Pathian cu zumhawktlak a si ko.

1THESALON 5:24

Nanmah an autu hna cu zumh awk tlak a si caah cucu a tuah lai.

TITAS 1:2

Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

1 SAMUEL 3:19

Cun Samuel cu a ṭhang i Bawipa cu a sinah a um i a bia kha pakhat hmanh vawlei ah a lohlakter lo.